ನಕಲಿ ಛಾಪಾ ಕಾಗದ 6 ಮಂದಿಗೆ ಶಿಕ್ಷೆ ಕಾಯಂ

Team Udayavani, Jul 15, 2017, 3:50 AM IST

ಬೆಂಗಳೂರು: ಬಹುಕೋಟಿ ನಕಲಿ ಛಾಪಾ ಕಾಗದ ಹಗರಣದ 6 ಮಂದಿ ಅಪರಾಧಿಗಳಿಗೆ 7 ವರ್ಷ ಜೈಲು ಹಾಗೂ 40 ಸಾವಿರ ರೂ. ದಂಡ ವಿಧಿಸಿದ್ದ ಸಿಬಿಐ ವಿಶೇಷನ್ಯಾಯಾಲಯದ ಆದೇಶವನ್ನು ಶುಕ್ರವಾರ ಹೈಕೋರ್ಟ್‌ ಎತ್ತಿಹಿಡಿದಿದೆ.

ಪ್ರಮುಖ ಅಪರಾಧಿ ತೆಲಗಿ ಜತೆ ಛಾಪಾ ಕಾಗದ ಮುದ್ರಣದಲ್ಲಿ ಕೈ ಜೋಡಿಸಿದ್ದ ಅಪರಾಧಿಗಳ ಕೃತ್ಯದಿಂದ, ದೇಶದ ಖಜಾನೆಗೆ ಸಾವಿರಾರು ಕೋಟಿ ರೂ. ನಷ್ಟವುಂಟಾಗಿದೆ. ಇದನ್ನು ಪರಿಗಣಿಸಿರುವ ಅಧೀನ ನ್ಯಾಯಾಲಯ ಜೈಲು ಹಾಗೂ ದಂಡದ ಆದೇಶ ವಿಧಿಸಿದೆ.

ಹೀಗಾಗಿ ಮೇಲ್ಮನವಿಗಳನ್ನು ಪುರಸ್ಕರಿಸಬಾರದು ಎಂದು ಸಿಬಿಐ ಪರ ವಕೀಲ ಪ್ರಸನ್ನಕುಮಾರ್‌ ವಾದ ಮಂಡಿಸಿದ್ದರು. ಈ ವಾದವನ್ನು ಪುರಸ್ಕರಿಸಿರುವ ನ್ಯಾಯಮೂರ್ತಿ ರವಿಮಳೀಮs… ಹಾಗೂ ಜಾನ್‌ ಮೈಕೆಲ್‌ ಕುನ್ಹ ಅವರಿದ್ದ
ವಿಭಾಗೀಯ ಪೀಠ, ಸಿಬಿಐ ವಿಶೇಷ ನ್ಯಾಯಾಲಯವಿಧಿಸಿದ್ದ ಶಿಕ್ಷೆ ಹಾಗೂ ದಂಡದ ಆದೇಶ ಪ್ರಶ್ನಿಸಿ ಅಮ್ಜದ್‌
ಖಾನ್‌, ನವಾಜ್‌ ಖಾನ್‌, ಲಿಯಾಖತ್‌ ಹುಸೇನ್‌ ,ನೂರ್‌ ಅಹಮದ್‌, ಎ.ಡಿ ಚೇತನ್‌ ಹಾಗೂ ವಿಠuಲ ಮಾರುತಿ ಸುಣಗಾರ ಸಲ್ಲಿಸಿದ್ದ ಮೇಲ್ಮನವಿಗಳನ್ನು ವಜಾಗೊಳಿಸಿ, ಶಿಕ್ಷೆ ಖಾಯಂಗೊಳಿಸಿದೆ.