ರೆಹಮಾನ್‌ಗೆ ಲಂಡನ್‌ನಲ್ಲಿ ಹಿಂದಿ ಹೇರಿಕೆ!

Team Udayavani, Jul 15, 2017, 4:50 AM IST

ಲಂಡನ್‌: ಬಲವಂತವಾಗಿ ಹಿಂದಿ ಹೇರಿಕೆ ಮಾಡಲಾಗುತ್ತಿದೆ ಎಂದು ದಕ್ಷಿಣ ಭಾರತದಲ್ಲಿ ನಡೆಯುತ್ತಿದ್ದ ಹೋರಾಟದ ಬಿಸಿ ಇದೀಗ ದೂರದ ಲಂಡನ್‌ಗೂ ತಲುಪಿದೆ. ತಮಿಳು ಮತ್ತು ಕನ್ನಡ ಭಾಷಿಕರು ಹಿಂದಿ ಹೇರಿಕೆ ಏಕೆ ಎಂದು ಪ್ರಶ್ನಿಸುತ್ತಿದ್ದಾರೆ ಎಂಬುದನ್ನೇ ನೆಪ ಮಾಡಿಕೊಂಡ ಕೆಲವು ವ್ಯಕ್ತಿಗಳು ಲಂಡನ್‌ನಲ್ಲಿ ನಡೆಯುತ್ತಿದ್ದ ಅಂತಾರಾಷ್ಟ್ರೀಯ ಖ್ಯಾತಿಯ ಎ.ಆರ್‌. ರೆಹಮಾನ್‌ ಅವರ ಸಂಗೀತ ಕಾರ್ಯಕ್ರಮದಲ್ಲಿ ದಾಂಧಲೆ ಮಾಡಿದ್ದಾರೆ. ರೆಹಮಾನ್‌ ಕೇವಲ ತಮಿಳು ಹಾಡುಗಳನ್ನೇ ಹಾಡುತ್ತಿದ್ದಾರೆ, ಹಿಂದಿ ಹಾಡು ಹೇಳುತ್ತಲೇ ಇಲ್ಲ ಎಂದು ಆರೋಪಿಸಿ ಕಾರ್ಯಕ್ರಮದಿಂದ ಎದ್ದು ಹೋಗುವ ಮೂಲಕ ದೇಶ ಕಂಡ ಅತ್ಯುತ್ತಮ ಸಂಗೀತ ನಿರ್ದೇಶಕಗೆ ಅವಮಾನ ಮಾಡಿದ್ದಾರೆ. ಜು.8ರಂದು ಲಂಡನ್‌ನ ವೆಂಬ್ಲಿ ಸ್ಟೇಡಿಯಂನಲ್ಲಿ ‘ನೇಟ್ರಾ, ಇಂಡ್ರು ನಾಲೈ’ (ನಿನ್ನೆ, ಇಂದು, ನಾಳೆ) ಹೆಸರಿನ ಕಾರ್ಯಕ್ರಮದಲ್ಲಿ ರೆಹಮಾನ್‌ ತಂಡ ಸಂಗೀತ ರಸಸಂಜೆ ಕಾರ್ಯಕ್ರಮ ನಡೆಸಿದ್ದರು.