ಮಣಿಪುರ : ಬಸ್‌ ಚರಂಡಿಗೆ ; 13ಕ್ಕೂ ಅಧಿಕ ಮಂದಿಗೆ ಗಾಯ

Team Udayavani, Jul 18, 2017, 3:40 AM IST

ಕಾಪು: ಕಟಪಾಡಿ – ಮಣಿಪುರ ರಸ್ತೆಯ ಮಣಿಪುರ ರೈಲ್ವೇ ಸೇತುವೆಯ ಬಳಿ  ಬಸ್ಸಿನ ಸ್ಟೇರಿಂಗ್‌ ಎಂಡ್‌ ತುಂಡಾಗಿ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ಬಿಟ್ಟು ಚರಂಡಿಗೆ ಚಲಿಸಿದ ಪರಿಣಾಮ 13 ಕ್ಕೂ ಅಧಿಕ ಮಂದಿ ಪ್ರಯಾಣಿಕರು ಗಾಯಗೊಂಡ ಘಟನೆ ಬೆಳಗ್ಗೆ ಸಂಭಭವಿಸಿದೆ.

ಬಸ್ಸಿನಲ್ಲಿ ಸಂಚರಿಸುತ್ತಿದ್ದ ಮಣಿಪುರ ಆಸುಪಾಸಿನ ನಿವಾಸಿಗಳಾದ ಅಪ್ಪಿ ಮರಕಾಲ್ತಿ (65), ಆಯೂಬ್‌ (40), ಆಸ್ಮಾ (37), ರುಬಿನಾ (27), ಕೃಷ್ಣಪ್ಪ (43), ವಾರಿಜಾ, ರೆಹನಾ, ಅಲಿನ್‌, ರವಿ, ಸರಿತಾ, ಮುಜಾಹಿರ್‌ ಉಮ್ಮಾತುಮಾ ಸೇರಿದಂತೆ ಪುಟ್ಟ ಮಗುವೊಂದು ಗಾಯಗೊಂಡಿದೆ.

ಗಾಯಾಳುಗಳ ಪೈಕಿ 5 ಮಂದಿ ಉಡುಪಿಯ ವಿವಿಧ ಆಸ್ಪತ್ರೆಗಳಲ್ಲಿ ಒಳ ರೋಗಿಗಳಾಗಿ ಚಿಕಿತ್ಸೆ ಪಡೆಯುತ್ತಿದ್ದು, 8 ಕ್ಕೂ ಅಧಿಕ ಮಂದಿ ಸಣ್ಣಪುಟ್ಟ ಗಾಯಗಳೊಂದಿಗೆ ವಿವಿಧ ಆಸ್ಪತ್ರೆಗಳಲ್ಲಿ ಹೊರ ರೋಗಿಗಳಾಗಿ ಚಿಕಿತ್ಸೆ ಪಡೆದಿದ್ದಾರೆ. ಕಾಪು ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.