ಡ್ರಗ್ಸ್‌ ಜಾಲದೊಂದಿಗೆ ನಂಟು: ಕಾಜಲ್‌ ಅಗರ್ವಾಲ್‌ ಮ್ಯಾನೇಜರ್‌ ಬಂಧನ 

Team Udayavani, Jul 25, 2017, 11:09 AM IST

ಹದರಾಬಾದ್‌:  ಡ್ರಗ್ಸ್‌ ಜಾಲದಲ್ಲಿ ಟಾಲಿವುಡ್‌ನ‌ ಹಲವು ನಟ,ನಟಿಯರ ಹೆಸರು ಕೇಳಿ ಬಂದಿರುವ ವೇಳೆಯಲ್ಲೇ  ಗಾಂಜಾ ಸಂಗ್ರಹಿಸಿಕೊಂಡಿದ್ದ ಕಾರಣಕ್ಕೆ ನಟಿ ಕಾಜಲ್‌ ಅಗರ್‌ವಾಲ್‌ ಅವರು ಮ್ಯಾನೇಜರ್‌ ಪುಟ್ಕರ್‌ ರಾನ್ಸನ್‌ ಜೊಸೆಫ್ ನನ್ನು ಪೊಲೀಸರು ಸೋಮವಾರ ಬಂಧಿಸಿದ್ದಾರೆ. 

ಡ್ರಗ್ಸ್‌ ಜಾಲದ ಕುರಿತು ತನಿಖೆ ಮುಂದುವರಿಸಿರುವ ವಿಶೇಷ ತನಿಖಾ ದಳದ ಪೊಲೀಸರು ಜೊಸೆಫ್ ನಿವಾಸದ ಮೇಲೆ ದಾಳಿ ನಡೆಸಿ ಗಾಂಜಾ ಸಮೇತ ವಶಕ್ಕೆ ಪಡೆದಿದ್ದಾರೆ. ಈತ ಡ್ರಗ್ಸ್‌ ಜಾಲದೊಂದಿಗೆ ನಿಕಟ ನಂಟು ಹೊಂದಿದ್ದ ಎಂದು ಹೇಳಲಾಗಿದೆ. 

ಡ್ರಗ್ಸ್‌ ಜಾಲಕ್ಕೆ ಸಂಬಂಧಿಸಿ ತೆಲುಗು ನವದೀಪ್‌ ಅವರನ್ನು  ಎಸ್‌ಐಟಿ 11 ಗಂಟೆಗಳ ಕಾಲ ವಿಚಾರಣೆ ನಡೆಸಿದೆ. 

ಇದುವರೆಗೆ ತೆಲುಗು ಚಿತ್ರರಂಗದ 12 ಮಂದಿಗೆ ನೊಟೀಸ್‌ ನೀಡಲಾಗಿದ್ದು, 19 ಮಂದಿಯನ್ನು ಬಂಧಿಸಲಾಗಿದೆ.