ಜಿಂಬಾಬ್ವೆ ವಿರುದ್ಧ ಆಫ್ಘಾನಿಸ್ತಾನದ ಮೊದಲ ಟೆಸ್ಟ್‌?

Team Udayavani, Aug 1, 2017, 7:10 AM IST

ದುಬೈ: ಐಸಿಸಿಯ ಕಳೆದ ವಾರ್ಷಿಕ ಸಭೆಯಲ್ಲಿ ಆಫ್ಘಾನಿಸ್ತಾನ ಮತ್ತು ಐರೆಲಂಡ್‌ಗೆ ನೂತನವಾಗಿ ಟೆಸ್ಟ್‌ ಮಾನ್ಯತೆ
ನೀಡಲಾಗಿತ್ತು. ಇವೆರಡೂ ತಂಡಗಳು ಈಗಾಗಲೇ ಟಿ20 ಹಾಗೂ ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ್ದು, 5 ದಿನಗಳ ಪಂದ್ಯವನ್ನಾಡಲು ತುದಿಗಾಲಲ್ಲಿ ನಿಂತಿವೆ. ಆದರೆ ಯಾವಾಗ, ಯಾರ ವಿರುದ್ಧ ಎಂಬುದು ಇನ್ನೂ ಅಧಿಕೃತವಾಗಿ ತಿಳಿದು ಬಂದಿಲ್ಲ.

ಸೋಮವಾರ ಹರಿದಾಡಿದ ಸುದ್ದಿಯೊಂದರ ಪ್ರಕಾರ ಆಫ್ಘಾನಿಸ್ತಾನ ತನ್ನ ಮೊದಲ ಟೆಸ್ಟ್‌ ಪಂದ್ಯವನ್ನು ಜಿಂಬಾಬ್ವೆ
ವಿರುದಟಛಿ ಆಡುವ ಸಾಧ್ಯತೆ ಇದೆ. ಡಿಸೆಂ ಬರ್‌-ಜನವರಿಯಲ್ಲಿ ಆಫ್ಘಾನಿಸ್ತಾನದ ವಿರುದಟಛಿ 3 ಟೆಸ್ಟ್‌, 5 ಏಕದಿನ ಹಾಗೂ 3 ಟಿ20 ಪಂದ್ಯಗಳ ಪೂರ್ಣ ಪ್ರಮಾಣದ ಕ್ರಿಕೆಟ್‌ ಸರಣಿಯ ಯೋಜನೆಯೊಂದು ಜಿಂಬಾಬ್ವೆ ಮುಂದಿದೆ. ಆಗ ಆಫ್ಘಾನಿಸ್ತಾನ ಟೆಸ್ಟ್‌ ಕ್ರಿಕೆಟಿಗೆ ಪಾದಾರ್ಪಣೆ ಮಾಡಲಿದೆ ಎಂದು ತಿಳಿದು ಬಂದಿದೆ. ಆದರೆ ಐರೆಲಂಡಿನ ಮೊದಲ ಟೆಸ್ಟ್‌ ಬಗ್ಗೆ ಈವರೆಗೆ ಯಾವುದೇ ಸುದ್ದಿ ಬಿತ್ತರ ಗೊಂಡಿಲ್ಲ.