24 ಕೆಜಿ ತೂಗುವ ಕುಂಬಳ

Team Udayavani, Aug 4, 2017, 8:15 AM IST

ಮಡಿಕೇರಿ: ಚೆಟ್ಟಳ್ಳಿಯ ಈರಳೆವಳಮುಡಿ ಗ್ರಾಮದ ಬಲ್ಲಾರಂಡ ಕವನ್‌ ತಿಮ್ಮಯ್ಯ ನವರ ತೋಟದಲ್ಲಿ ಸುಮಾರು 24 ಕೆ.ಜಿ. ತೂಕದ ಭಾರೀ ಗಾತ್ರದ ಸಿಹಿ ಕುಂಬಳ ಕಾಯಿ ಬೆಳೆದು ಆಶ್ಚರ್ಯವನ್ನು ಉಂಟುಮಾಡಿದೆ.

ಕವನ್‌ ಕಾರ್ಯಪ್ಪನವರ ತೋಟದಲ್ಲಿರುವ ಅಸ್ಸಾಂ ಮೂಲದ ಕಾರ್ಮಿಕರು ಕೆಲಸ ಕ್ಕೆಂದು ಇವರಲ್ಲಿಗೆ ಬರುವ ಸಂದರ್ಭ ತಮ್ಮ ಊರಿನಿಂದ ತಂದಿದ್ದ ಸಿಹಿ ಕುಂಬಳಕಾಯಿಯ ಬೀಜ ಹಾಗೂ ಸೋರೆಕಾಯಿಯ ಬೀಜವನ್ನು  ತೋಟದಲ್ಲಿ ಬಿತ್ತಿದ್ದರು.

ಅನಂತರದ ದಿನಗಳಲ್ಲಿ ತೋಟದಲ್ಲಿ ಕುಂಬಳ ಬಳ್ಳಿ ಸುಪ‌ುಷ್ಟವಾಗಿ ಬೆಳೆದು  ಸುಮಾರು ಮೂವತ್ತಕ್ಕೂ ಹೆಚ್ಚಿನ ಕಾಯಿಗಳನ್ನು ಬಿಟ್ಟಿತ್ತು. ಇವುಗಳನ್ನು ಕೊಯ್ದು ಬಳಸಲಾಗಿತ್ತಾದರೆ ಇತ್ತೀಚೆಗೆ  ಬಳ್ಳಿಯಲ್ಲಿದ್ದ ಮೂರು ಕುಂಬಳ ಕಾಯಿಗಳನ್ನು ಹಾಗೆಯೇ ಬೆಳೆಯಲು ಬಿಡಲಾಗಿತ್ತು. ಅದರಲ್ಲಿ ಒಂದು ಬೃಹತ್ತಾಗಿ ಬೆಳೆದು  ಸಾರ್ವಜನಿಕರ ಗಮನ ಸೆಳೆದಿದೆ.