ಪೊಲೀಸ್‌ ಇನ್‌ಫಾರ್ಮರ್‌ ಶಂಕೆ: ಮಾವೋಗಳಿಂದ ಸರಪಂಚನ ಹತ್ಯೆ

Team Udayavani, Aug 8, 2017, 3:17 PM IST

ಕೋರಾಪತ್‌, ಒಡಿಶಾ : ಪೊಲೀಸ್‌ ಇನ್‌ಫಾರ್ಮರ್‌ ಎಂಬ ಶಂಕೆಯಲ್ಲಿ ಮಾವೋವಾದಿಗಳು ಕೋರಾಪತ್‌ ಜಿಲ್ಲೆಯ ಗ್ರಾಮದ ಸರಪಂಚರೊಬ್ಬರನ್ನು ಕೊಂದಿದ್ದಾರೆ. 

ನಿನ್ನೆ ತಡರಾತ್ರಿ ಸುಮಾರು 25ರಷ್ಟು ಸಂಖ್ಯೆಯಲ್ಲಿದ್ದ ಸಶಸ್ತ್ರ ಮಾವೋ ಉಗ್ರರು ನಂದಪುರ ಬ್ಲಾಕ್‌ನ ಹಾತಿಬಾರಿ ಎಂಬ ಗ್ರಾಮದ ಸರಪಂಚ ಜಗನ್ನಾಥ ಖಾರಾ ಎಂಬವರನ್ನು ಅವರ ಮನೆಯಿಂದ ಹೊರಗೆಳೆದು ಗ್ರಾಮದ ಹೊರ ಭಾಗದಲ್ಲಿ ಕತ್ತು ಸೀಳಿ ಕೊಂದರೆಂದು ಪೊಲೀಸರು ತಿಳಿಸಿದ್ದಾರೆ.

ಖಾರಾ ಅವರ ಮೃತದೇಹವನ್ನು ಗ್ರಾಮಸ್ಥರು ಪತ್ತೆ ಹಚ್ಚಿ ಪೊಲೀಸರಿಗೆ ತಿಳಿಸಿದರು. 

ಖಾರಾ ಅವರನ್ನು ಕೊಂದ ಬಳಿಕ ಮಾವೋ ಉಗ್ರರು ಖಾರಾ ಅವರಿಗೆ ಸೇರಿದ ಒಂದು ಕಾರು, ಒಂದು ಜೀಪು, ಒಂದು ಮೋಟಾರ್‌ ಸೈಕಲ್‌ ಮುಂತಾಗಿ ಕೆಲವು ವಾಹನಗಳಿಗೆ ಬೆಂಕಿ ಹಚ್ಚಿ ಬಳಿಕ ಅರಣ್ಯದಲ್ಲಿ ಅದೃಶ್ಯರಾದರು ಎಂದು ಪೊಲೀಸರು ತಿಳಿಸಿದರು.