ಪಾಂಡ್ಯಾ ಚೊಚ್ಚಲ ಟೆಸ್ಟ್‌ ಶತಕ; ಭಾರತ 487ಕ್ಕೆ ಆಲೌಟ್‌

Team Udayavani, Aug 13, 2017, 1:06 PM IST

ಕ್ಯಾಂಡಿ ಟೆಸ್ಟ್‌: ಇಲ್ಲಿ ಆತಿಥೇಯ ಶ್ರೀಲಂಕಾ ವಿರುದ್ಧ ನಡೆಯುತ್ತಿರುವ ಟೆಸ್ಟ್‌ ಸರಣಿಯ 3 ನೇ ಹಾಗೂ ಕೊನೆಯ ಟೆಸ್ಟ್‌ ಪಂದ್ಯದ 2 ನೇ ದಿನದಾಟದಲ್ಲಿ ಭಾರತದ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯಾ ಚೊಚ್ಚಲ ಶತಕ ಸಿಡಿಸಿ ಸಂಭ್ರಮಿಸಿದ್ದಾರೆ. 

ಮೊದಲ ದಿನದಾಟದಲ್ಲಿ 6 ವಿಕೆಟ್‌ಗೆ 329 ರನ್‌ಗಳಿಸಿದ್ದ ಭಾರತ ಆಟ ಮುಂದುವರಿಸಿತು. 13 ರನ್‌ಗಳಿಂದ ಆಟ ಮುಂದುವರಿಸಿದ ವೃದ್ಧಿಮಾನ್‌ ಸಾಹಾ 16 ರನ್‌ಗೆ ಔಟಾದರು. ಈ ವೇಳೆ ಸ್ಫೋಟಕ ಆಟವಾಡಿದ ಪಾಂಡ್ಯಾ ಶತಕ ಸಿಡಿಸಿ ಸಂಭ್ರಮಿಸಿದರು.  86 ಎಸೆತಗಳಲ್ಲಿ ಅವರು ಶತಕ ಪೂರೈಸಿದರು. 108 ರನ್‌ಗೆ ಔಟಾದರು. 

ಪಾಂಡ್ಯಾಗೆ ಸಾಥ್‌ ನೀಡಿದ ಕುಲ್‌ದೀಪ್‌ ಯಾದವ್‌ 26 ರನ್‌ಗಳಿಸಿ ಔಟಾದರು. ಶಮಿ 8 ರನ್‌ಗಳಿಸಿ ಔಟಾದರೆ, ಉಮೇಶ್‌ ಯಾದವ್‌ 3 ರನ್‌ಗಳಿಸಿ ಅಜೇಯರಾಗಿ ಉಳಿದರು. 

ಭಾರತ ಮೊದಲ ಇನ್ನಿಂಗ್ಸ್‌ನಲ್ಲಿ 487 ರನ್‌ಗಳಿಗೆ ಆಲೌಟಾಯಿತು. ಲಂಕಾ ಪರ ಸಂದಕನ್‌ ಅವರು 5 ವಿಕೆಟ್‌ ಪಡೆದರೆ, ಪುಷ್ಪಕುಮಾರ 3 ಮತ್ತು ಫೆರ್ನಾಂಡೊ 2 ವಿಕೆಟ್‌ ಪಡೆದರು. 

2 ನೇ ಇನ್ನಿಂಗ್ಸ್‌ ಆರಂಭಿಸಿರುವ ಲಂಕಾ ಆರಂಭಿಕ ಆಘಾತಕ್ಕೆ  ಸಿಲುಕಿದ್ದು  4 ವಿಕೆಟ್‌ ನಷ್ಟಕ್ಕೆ 61 ರನ್‌ಗಳಿಸಿದೆ.