ಉಚಿತ ಜಿಯೋ ಫೋನ್‌ ಬುಕ್ಕಿಂಗ್‌ ಆರಂಭವಾಗಿದೆ; ಇಲ್ಲಿದೆ ಮಾಹಿತಿ

Team Udayavani, Aug 14, 2017, 7:16 PM IST

ಹೊಸದಿಲ್ಲಿ : ಉಚಿತ ಜಿಯೋ ಪೋನ್‌ ಬುಕ್‌ ಮಾಡುವ ಸುಸಮಯ ಈಗ ಒದಗಿ ಬಂದಿದೆ. ಅಧಿಕೃತ ಬುಕ್ಕಿಂಗ್‌ ಆಗಸ್ಟ್‌ 24ರಿಂದ (ಆಫ್ ಲೈನ್‌ ಮತ್ತು ಆನ್‌ಲೈನ್‌ ಎರಡರಲ್ಲೂ) ಆರಂಭವಾಗಲಿದೆಯಾದರೂ ಕೆಲವು ಜಿಯೋ ರಿಟೇಲ್‌ ಶಾಪ್‌ ಗಳಲ್ಲಿ ಈಗಾಗಲೇ ಪ್ರೀ-ಆರ್ಡರ್‌ ಸ್ವೀಕಾರ ಆರಂಭವಾಗಿದೆ. 

ಜಿಯೋ ಫೋನ್‌ ಬುಕ್‌ ಮಾಡುವವರು ಭದ್ರತಾ ಠೇವಣಿಯಾಗಿ ಕೊಡಬೇಕಿರುವ 1,500 ರೂ.ಗಳನ್ನು  ಸೆಪ್ಟಂಬರ್‌ನಲ್ಲಿ  ಫೋನ್‌ ಡೆಲಿವರಿ ತೆಗೆದುಕೊಳ್ಳುವಾಗ ಪಾವತಿಸಿದರೆ ಸಾಕು; ಈ ಮೊತ್ತವನ್ನು ಕಂಪೆನಿಯು 36 ತಿಂಗಳ ಬಳಿಕ ಗ್ರಾಹಕರಿಗೆ ಮರುಪಾವತಿಸಲಿದೆ. ಎಂದರೆ ಜಿಯೋ ಫೋನ್‌ ಉಚಿತವಾಗುತ್ತದೆ. 

ಆಫ್ ಲೈನ್‌ನಲ್ಲಿ ಜಿಯೋ ಫೋನ್‌ ಬುಕ್‌ ಮಾಡೋದು ಹೇಗೆ ?

* ಅಧಿಕೃತ ಜಿಯೋ ರಿಟೇಲರ್‌ ಅಥವಾ ರಿಲಯನ್ಸ್‌ ಜಿಯೋ ಶಾಪ್‌ ಗಳನ್ನು  ಸಂದರ್ಶಿಸುವುದು .

*ಆಧಾರ್‌ ಬಳಸುವ ಮೂಲಕ ಒಬ್ಬ ವ್ಯಕ್ತಿ ದೇಶಾದ್ಯಂತ ಒಂದೇ ಜಿಯೋ ಪೋನ್‌ ಪಡೆಯಲು ಸಾಧ್ಯ – ಒಂದು ಆಧಾರ್‌ಗೆ ಒಂದು ಜಿಯೋ ಫೋನ್‌ ತತ್ವದಲ್ಲಿ. 

* ಆಧಾರ್‌ ವಿವರ ಕೊಟ್ಟ ಬಳಿಕ ಅದನ್ನು ಕೇಂದ್ರೀಕೃತ ತಂತ್ರಾಂಶಕ್ಕೆ ಅಪ್‌ಲೋಡ್‌ ಮಾಡಲಾಗುವುದು; ಆಗ ಗ್ರಾಹಕರಿಗೆ ಟೋಕನ್‌ ನಂಬರ್‌ ಸಿಗುತ್ತದೆ. 

* ಜಿಯೋ ಫೋನ್‌ ಡೆಲಿವರಿ ಪಡೆದುಕೊಳ್ಳುವಾಗ ಈ ಟೋಕನ್‌ ನಂಬರ್‌ ನೀಡಬೇಕು.

ಆನ್‌ಲೈನ್‌ ನಲ್ಲಿ ಜಿಯೋ ಫೋನ್‌ ಬುಕ್‌ ಮಾಡೋದು ಹೇಗೆ ?

*ಜಿಯೋ ಡಾಟ್‌ ಕಾಮ್‌ ಅಥವಾ ಜಿಯೋಫ್ರೀಫೋನ್‌ ಡಾಟ್‌ ಆರ್ಗ್‌ ಸಂದರ್ಶಿಸಬೇಕು.

* ಆನ್‌ ಲೈನ್‌ ರಿಜಿಸ್ಟ್ರೇಶನ್‌ ಆರಂಭವಾದೊಡನೆಯೇ ಇಮೇಜ್‌/ಬಟನ್‌ ಹೋಮ್‌ ಪೇಜ್‌ನಲ್ಲಿ ಕಂಡು ಬರುತ್ತದೆ. 
 
* ಜಿಯೋ ಫ್ರೀ ಮೊಬೈಲ್‌ ಫೋನ್‌ ರಿಜಿಸ್ಟ್ರೇಶನ್‌/ಪ್ರೀ ಬುಕ್ಕಿಂಗ್‌ ಬಟನ್‌ ಕ್ಲಿಕ್‌ ಮಾಡಬೇಕು.

* ನಿಮ್ಮ ಗುರುತು ವಿವರಗಳನ್ನು ಭರ್ತಿ ಮಾಡಬೇಕು; ಜತೆಗೆ ನಿಮ್ಮ ಫೋನ್‌ ಸಂಪರ್ಕ ನಂಬರ್‌, ವಿಳಾಸ ಮತ್ತು ಇತರ ಮಾಹಿತಿಗಳನ್ನು ಕೂಡ ತುಂಬಬೇಕು. 

* ಡೆಲಿವರಿ ಸಲ್ಲಬೇಕಾದ ವಿಳಾಸವನ್ನು ನಮೂದಿಸಬೇಕು.

* ಡೆಬಿಟ್‌/ಕ್ರೆಡಿಟ್‌ ಕಾರ್ಡ್‌ ಮೂಲಕ ಅಥವಾ ನೆಟ್‌ ಬ್ಯಾಂಕಿಂಗ್‌ ಆಯ್ಕೆ ಮೂಲಕ ಭದ್ರತಾ ಠೇವಣಿ ಮೊತ್ತ 1,500 ರೂ. ಪಾವತಿಸಬೇಕು.

*ಆಗ ಜಿಯೋ ಫೋನ್‌ ಬುಕ್‌ ಆಗುವುದು; ಮೊದಲು ಬಂದವರಿಗೆ ಮೊದಲು ಎಂಬ ನೆಲೆಯಲ್ಲಿ ಡೆಲಿವರಿ ನೀಡಲಾಗುವುದು.