ಬಾರ್ಸಿಲೋನಾ ದಾಳಿ: ಐವರು ವಶಕ್ಕೆ

Team Udayavani, Aug 19, 2017, 11:16 AM IST

ಬಾರ್ಸಿಲೋನಾ: ಗುರುವಾರ ರಾತ್ರಿ ಬಾರ್ಸಿಲೋನಾದಲ್ಲಿ ಎರಡು ಪ್ರತ್ಯೇಕ ದಾಳಿಗಳು ನಡೆದಿದ್ದು, ಈ ಸಂಬಂಧ ಪೊಲೀಸರು ಐವರನ್ನು ವಶಕ್ಕೆ ಪಡೆದಿದ್ದಾರೆ. ಮೊದಲ ಘಟನೆಯಲ್ಲಿ ಉಗ್ರನೊಬ್ಬ ವ್ಯಾನ್‌ಒಂದನ್ನು ಸೆಂಟ್ರಲ್‌ ಬಾರ್ಸಿ ಲೋನಾದ ಮಾರುಕಟ್ಟೆ ಪ್ರದೇಶದಲ್ಲಿ ಜನರ ಮೇಲೆಯೇ ಹರಿಸಿದ್ದ. ಪರಿಣಾಮ 13 ಮಂದಿ ಮೃತಪಟ್ಟು, 100ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದರು.

ಇದಾದ ಕೆಲವೇ ಗಂಟೆಗಳಲ್ಲಿ ಸ್ಪೇನ್‌ನ ಕಡಲತೀರದ ನಗರ ಎಂದೇ ಖ್ಯಾತಿ ಪಡೆದ ಕ್ಯಾಂಬ್ರಿಲ್ಸ್‌ನಲ್ಲಿ ಆಡಿ ಎ3 ಕಾರಿನಲ್ಲಿ ಬಂದ ಉಗ್ರರು, ಪಾದಚಾರಿಗಳ ಮೇಲೆ ಕಾರನ್ನು ಹರಿಸಿದ್ದಾರೆ. ಇಲ್ಲಿ 6 ಮಂದಿ ಗಾಯಗೊಂಡಿದ್ದು, ಆ ಪೈಕಿ ಒಬ್ಬರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಉಗ್ರರೊಂದಿಗೆ ಗುಂಡಿನ ಚಕಮಕಿ ನಡೆಸಿದ ಪೊಲೀಸರು ಐವರನ್ನು ಹತ್ಯೆಗೈಯ್ಯುವಲ್ಲಿ ಯಶಸ್ವಿಯಾಗಿ ದ್ದಾರೆ. ಮತ್ತೆ ಐವರನ್ನು ವಶಕ್ಕೆ ಪಡೆಯಲಾಗಿದೆ. ಶುಕ್ರವಾರ ದಾಳಿಯ ಹೊಣೆಯನ್ನು ಐಸಿಸ್‌ ಉಗ್ರರು ಹೊತ್ತುಕೊಂಡಿದ್ದಾರೆ. ಮೃತರು ಹಾಗೂ ಗಾಯಾಳುಗಳ ಪೈಕಿ 18 ಮಂದಿ ವಿದೇಶಿ ಯರಾ ಗಿದ್ದು, ಭಾರತೀಯರು ಯಾರೂ ಇಲ್ಲ ಎಂಬ ಮಾಹಿತಿ ಗೊತ್ತಾಗಿದೆ.