ಕೊಕ್ಕಡ: ಹಾಡಹಗಲೇ ಮನೆಗೆ ನುಗ್ಗಿ ಕಳವು

Team Udayavani, Aug 21, 2017, 6:15 AM IST

ನೆಲ್ಯಾಡಿ: ಕೊಕ್ಕಡ ಗ್ರಾಮದ ಉಪ್ಪಾರಪಳಿಕೆ ಆಲಂಬಿಲದ ಗಂಗಮ್ಮ (70 )ಅವರ ಮನೆಗೆ ಹಾಡಹಗಲೇ ನುಗ್ಗಿದ ಕಳ್ಳರು ಮನೆಯೊಳಗಿನ ಕಪಾಟಿನ ಬೀಗ ಮುರಿದು 10 ಸಾವಿರ ರೂ. ನಗದು, ಚಿನ್ನದ ಕರಿಮಣಿ ಹಾಗೂ ಬೆಂಡೋಲೆಗಳನ್ನು ಕಳ್ಳತನ ಮಾಡಿದ ಘಟನೆ ರಿವವಾರ ಸಂಜೆ ವೇಳೆ ಸಂಭವಿಸಿದೆ.

ವೃದ್ದೆಯೋರ್ವರೇ ಮನೆಯಲ್ಲಿ ವಾಸಿಸುತ್ತಿದ್ದು ಮಧ್ಯಾಹ್ನ ಊಟದ ಬಳಿಕ ಸಮೀಪ ಇರುವ ತನ್ನ ಮಗಳ ಮನೆಗೆ ತೆರಳಿದ್ದರು. ಇದೇ ವೇಳೆಯನ್ನು ಹೊಂಚು ಹಾಕಿದ್ದ ಕಳ್ಳರು ಮನೆಯ ಹಿಂಬಾಗಿಲಿನ ಚಿಲಕ ಮುರಿದು ಮನೆಯೊಳಗೆ ಪ್ರವೇಶಿಸಿ ಮನೆಯೊಳಗಿನ ಎರಡು ಕೊಠಡಿಯ ಬಾಗಿಲುಗಳನ್ನು ತೆರೆದು ಗೋದ್ರೇಜ್‌ ಮತ್ತು ಕಪಾಟಿನ ಬೀಗ ಮುರಿದಿದ್ದಾರೆ. ಕಪಾಟಿನಲ್ಲಿ ತನ್ನ ಮಗಳು ತಂದಿರಿಸಿದ್ದ ಆಕೆಯ ಚಿನ್ನದ ಕರಿಮಣಿ ಮತ್ತು ಬೆಂಡೋಲೆ ಹಾಗೂ 10 ಸಾವಿರ ನಗದನ್ನೂ ಕಳ್ಳರು ಕದ್ದೊಯ್ದಿದ್ದಾರೆ.

ಧರ್ಮಸ್ಥಳ ಪೋಲೀಸ್‌ ಠಾಣೆಗೆ ಈ ಬಗ್ಗೆ ಮಾಹಿತಿ ನೀಡಿದ್ದು ಪೊಲೀಸರು ಈ ಕಳ್ಳತನದ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ .