ತ್ರಿರಾಷ್ಟ್ರ ಫ‌ುಟ್ಬಾಲ್‌ ಕೂಟ: ಭಾರತಕ್ಕೆ ಸೈಂಟ್‌ ಕಿಟ್ಸ್‌ ಎದುರಾಳಿ 

Team Udayavani, Aug 24, 2017, 9:04 AM IST

ಮುಂಬಯಿ: ಭಾರತ ತಂಡವು ಗುರುವಾರ ನಡೆಯುವ ಹೀರೊ ತ್ರಿರಾಷ್ಟ್ರ ಫ‌ುಟ್ಬಾಲ್‌ ಕೂಟದ ಎರಡನೇ ಹೋರಾಟದಲ್ಲಿ ಸೈಂಟ್‌ ಕಿಟ್ಸ್‌ ಆ್ಯನ್‌x ನೆವಿಸ್‌ ತಂಡವನ್ನು ಎದುರಿಸಲಿದ್ದು ಗೆಲುವಿನ ನಿರೀಕ್ಷೆಯಲ್ಲಿದೆ. 

ಮಾರಿಷಸ್‌ ತಂಡದೆದುರು ನಡೆದ ಮೊದಲ ಪಂದ್ಯದಲ್ಲಿ 2-1 ಗೋಲುಗಳಿಂದ ಜಯ ಸಾಧಿಸಿದ್ದ ಭಾರತ ಸತತ 10ನೇ ಪಂದ್ಯದಲ್ಲಿ ಗೆಲ್ಲುವ ಉತ್ಸಾಹದಲ್ಲಿದೆ.  ಸೆ. 5ರಂದು ನಡೆಯುವ ಏಶ್ಯನ್‌ಕಪ್‌ ಅರ್ಹತಾ ಕೂಟದಲ್ಲಿ ಮಕಾವ್‌ ತಂಡವನ್ನು ಎದುರಿಸಲು ಈ ಕೂಟ ಭಾರತಕ್ಕೆ ಅಭ್ಯಾಸ ಪಂದ್ಯವಾಗಿದೆ. ಭಾರತ ಕಳೆದ ಕೆಲವು ತಿಂಗಳುಗಳಲ್ಲಿ ಎಂಟು ಅಧಿಕೃತ ಅಂತಾರಾಷ್ಟ್ರೀಯ ಪಂದ್ಯ ಜಯಿಸಿದ್ದರೆ ಭೂತಾನ್‌ ವಿರುದ್ಧ ಅನಧಿಕೃತ ಸೌಹಾರ್ದ ಪಂದ್ಯವೊಂದನ್ನು ಜಯಿಸಿತ್ತು. ಇದೀಗ ಸತತ 10ನೇ ಪಂದ್ಯ ಗೆಲುವಿಗಾಗಿ ಭಾರತ ಪ್ರಯತ್ನಿಸಲಿದೆ.