ಇಂದು  200 ರೂ. ನೋಟು ಚಲಾವಣೆಗೆ

Team Udayavani, Aug 25, 2017, 6:00 AM IST

ಹೊಸದಿಲ್ಲಿ: 500, 1000 ರೂ. ನೋಟು ಅಪಮೌಲ್ಯದ ಬಳಿಕ ಹೊಸ ನೋಟುಗಳನ್ನು ಬಿಡುಗಡೆ ಮಾಡಿದ ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಶುಕ್ರವಾರ ಅಂದರೆ ಗಣೇಶ ಚತುರ್ಥಿ ದಿನದಂದೇ 200 ರೂ. ಮುಖಬೆಲೆಯ ಹೊಸ ನೋಟುಗಳನ್ನು ಬಿಡುಗಡೆಗೊಳಿಸಲಿದೆ.

ಸಾಂಚಿ ಸ್ತೂಪದ ಚಿತ್ರ ಹೊಂದಿರುವ ಈ ನೋಟು ಹಿಂದಿನ ಹೊಸ ನೋಟುಗಳ ಮಾದರಿಯಲ್ಲೇ ಇರಲಿದ್ದು, ಆರ್‌ಬಿಐ ಗವರ್ನರ್‌ ಊರ್ಜಿತ್‌ ಪಟೇಲ್‌ ಅವರ ಸಹಿ ಹೊಂದಿದೆ.ರಿಸರ್ವ್‌ ಬ್ಯಾಂಕ್‌ 200 ರೂ. ನೋಟುಗಳನ್ನು ಇದೇ ಮೊದಲ ಬಾರಿಗೆ ಬಿಡುಗಡೆ ಮಾಡಲಿದೆ. ಈ ಹೊಸ ನೋಟು ಬಿಡುಗಡೆಯಿಂದ ಈಗಿನ 2000 ರೂ. ನೋಟು ಗಳಿಗೆ ಚಿಲ್ಲರೆ ಸಮಸ್ಯೆ ನಿವಾ ರಣೆಯಾಗಲಿದೆ ಎಂದು ಕೇಂದ್ರ ಸರಕಾರ ಹೇಳಿದೆ.

ಹೊಸ 200 ರೂ. ನೋಟು ಹೇಗಿದೆ?:  ಹೊಸ ನೋಟು ಕಡು ಹಳದಿ ಬಣ್ಣದ್ದಾಗಿದ್ದು,  66ಎಂಎಂಗಿ146 ಎಂಎಂ ನಷ್ಟು ದೊಡ್ಡದಿದೆ. ಹಿಂಭಾಗದಲ್ಲಿ ಸಾಂಚಿಯ ಸ್ತೂಪದ ಚಿತ್ರ ಹೊಂದಿದೆ. ಇತರ ಹೊಸ ನೋಟುಗಳಲ್ಲಿರು ವಂತೆ ಬಲಭಾಗಕ್ಕೆ ಮುಖ ಮಾಡಿದ ಗಾಂಧೀಜಿ ಅವರ ಚಿತ್ರವಿದ್ದು, ಬಣ್ಣ ಬದ ಲಾಗುವ ಶಾಯಿಯಲ್ಲಿ ಅದನ್ನು ಮುದ್ರಿಸಲಾಗಿದೆ. ಎದುರು ಬಲಭಾಗದಲ್ಲಿ ಅಶೋಕ ಸ್ತಂಭ, ಎಡಭಾಗ ದಲ್ಲಿ ದೇವನಾಗರಿ ಲಿಪಿ ಯಲ್ಲಿ  200 ರೂ. ಎಂದು ಬರೆದಿರುವುದು, ಹಿಂಭಾಗ ಸ್ವತ್ಛ ಭಾರತದ ಚಿಹ್ನೆ ಎಲ್ಲವೂ ಹಿಂದಿನ ನೋಟು ಗಳಂತೆಯೇ ಇದೆ.