ಪಾಣೆಮಂಗಳೂರು ಜಿನಚೈತ್ಯಾಲಯ ಡಾ|ಡಿ.ವೀರೇಂದ್ರ ಹೆಗ್ಗಡೆ ಭೇಟಿ

Team Udayavani, Sep 6, 2017, 8:50 AM IST

ಬಂಟ್ವಾಳ: ಪಾಣೆಮಂಗಳೂರು ಶ್ರೀ ಅನಂತನಾಥ ಸ್ವಾಮಿ ಜಿನಚೆ„ತ್ಯಾಲಯದಲ್ಲಿ ಚಾತುರ್ಮಾಸ್ಯ ಆಚರಿಸುತ್ತಿರುವ 108 ಮುನಿಶ್ರೀ ವೀರ ಸಾಗರ ಮಹಾರಾಜರನ್ನು ಸೆ. 5ರಂದು ಸಂಜೆ ಧರ್ಮಸ್ಥಳ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆಯವರು ಭೇಟಿಯಾದರು.

ಈ ಸಂದರ್ಭ ಅನಂತ ನೋಂಪಿಯ ಶುಭ ದಿನದ ಅಂಗವಾಗಿ ದೇವರ ದರ್ಶನ ಹಾಗೂ ಮಹಾ ಮಾತೆ ಪದ್ಮಾವತಿಯ ವಿಶೇಷ ಅಲಂಕಾರದ ಲಕ್ಷಹೂವಿನ ಪೂಜೆಯನ್ನೂ ವೀಕ್ಷಿಸಿದ ಡಾ| ಹೆಗ್ಗಡೆಯವರು ಕೆಲ ಕಾಲ ಮುನಿಶ್ರೀಗಳೊಂದಿಗೆ ಏಕಾಂತದಲ್ಲಿ ಮಾತುಕತೆ ನಡೆಸಿದರು.

ಚಾತುರ್ಮಾಸ್ಯ ಸಮಿತಿಯ ಅಧ್ಯಕ್ಷ ರತ್ನಾಕರ್‌ ಜೈನ್‌ ಮಂಗಳೂರು, ಸುದರ್ಶನ್‌ ಜೈನ್‌, ಜಿನರಾಜ ಆರಿಗ ಪಚ್ಚಾಜೆ, ಧರಣೇಂದ್ರ ಇಂದ್ರ, ಭುವನೇಂದ್ರ ಇಂದ್ರ, ಹರ್ಷರಾಜ ಬಲ್ಲಾಳ್‌, ಪ್ರವೀಣ್‌ ಕುಮಾರ್‌, ಭರತ್‌ ರಾಜ್‌ ಉಪಸ್ಥಿತರಿದ್ದರು.