ಗೌರಿ ಲಂಕೇಶ್‌ ಹತ್ಯೆ ಖಂಡಿಸಿ ಮಂಜೇಶ್ವರದಲ್ಲಿ ಪ್ರತಿಭಟನೆ

Team Udayavani, Sep 8, 2017, 7:10 AM IST

ಹೊಸಂಗಡಿ: ಪತ್ರಕರ್ತೆ, ಸಾಹಿತಿ ಗೌರಿ ಲಂಕೇಶ್‌ ಹತ್ಯೆಯನ್ನು ಖಂಡಿಸಿ ಮಂಜೇಶ್ವರ ಪ್ರಸ್‌ ಕ್ಲಬ್‌ ನೇತೃತ್ವದಲ್ಲಿ ಹೊಸಂಗಡಿಯಲ್ಲಿ ವಿವಿಧ ಸಾಮಾಜಿಕ ಮುಖಂಡರ ಉಪಸ್ಥಿತಿಯಲ್ಲಿ ಪ್ರತಿಭಟನ ಮೆರವಣಿಗೆ ಹಾಗೂ ಸಭೆ ನಡೆಯಿತು.
ಪ್ರಸ್‌ ಕ್ಲಬ್‌ ಅಧ್ಯಕ್ಷ ಆರಿಫ್‌ ಮಚ್ಚಂ ಪಾಡಿ ಅಧ್ಯಕ್ಷತೆಯಲ್ಲಿ ನಡೆದ ಪ್ರತಿಭಟನಾ ಸಭೆಯನ್ನು ಹಿರಿಯ ಸಾಮಾಜಿಕ ಕಾರ್ಯಕರ್ತ ಸತೀಶ್‌ ಅಡಪ ಉದ್ಘಾಟಿಸಿ ದರು. ಬಳಿಕ ಮಾತನಾಡಿದ ಅವರು, ಗೌರಿ ಲಂಕೇಶ್‌ ಹತ್ಯೆ ಖಂಡನೀಯ. ಆರೋಪಿಗಳನ್ನು ಶೀಘ್ರವೇ ಬಂಧಿಸುವಂತೆ ಸರಕಾರಕ್ಕೆ ಒತ್ತಾಯಿಸಿದರು. ವಿವಿಧ ಸಾಮಾಜಿಕ ಕಾರ್ಯಕರ್ತರಾದ ಯಾಕೂಬ್‌ ಕುಂಜತ್ತೂರು, ಎಂ.ಕೆ ಮಜೀದ್‌, ಮುರಳೀಧರ್‌ ಭಟ್‌, ಜಗ ದೀಶ್‌ ಮೂಡಂಬೈಲು, ಬಶೀರ್‌ ಕನಿಲ ಮಾತನಾಡಿದರು. 

ಪತ್ರಕರ್ತರಾದ ಹನೀಸ್‌ ಉಪ್ಪಳ, ರಹಿಮಾನ್‌ ಉಪ್ಪಳ, ಛಾಯಾಗ್ರಾಹಕರಾದ ದೀಪಕ್‌, ನಾಗಾರ್ಜುನ ಮೊದಲಾದವರು ಉಪಸ್ಥಿತರಿದ್ದರು. ಪ್ರಸ್‌ ಕ್ಲಬ್‌ ಕಾರ್ಯದರ್ಶಿ ರಹಿಮಾನ್‌ ಉದ್ಯಾವರ ಸ್ವಾಗತಿಸಿದರು. ಸಲಾಂ ವರ್ಕಾಡಿ ವಂದಿಸಿದರು.