ಸೆ.23 ಮಹಾರಾಜ ಹರಿ ಸಿಂಗ್‌ ಜನ್ಮದಿನ: ಸರಕಾರಿ ರಜೆಗೆ ಒತ್ತಾಯ

Team Udayavani, Sep 16, 2017, 4:25 PM IST

ಜಮ್ಮು : ಜಮ್ಮು ಕಾಶ್ಮೀರ ರಾಜ ಸಂಸ್ಥಾನದ ಕೊನೆಯ ಡೋಗ್ರಾ ದೊರೆ ಮಹಾರಾಜ ಹರಿ ಸಿಂಗ್‌ ಅವರ ಜನ್ಮ ವರ್ಷಾಚರಣೆಯ ಸೆ.23ನ್ನು ರಜಾ ದಿನವೆಂದು ಘೋಷಿಸಬೇಕೆಂಬ ತನ್ನ ಬೇಡಿಕೆಯ ಬಗ್ಗೆ  ಧನಾತ್ಮಕ ನಿರ್ಧಾರವನ್ನು ಕೈಗೊಳ್ಳುವಂತೆ ಜಮ್ಮು ಬಾರ್‌ ಅಸೋಸಿಯೇಶನ್‌  ರಾಜ್ಯ ಸರಕಾರವನ್ನು ಒತ್ತಾಯಿಸಿದೆ. 

ಪ್ರಾದೇಶಿಕ ಆಶೋತ್ತರಗಳು ಅಡಕವಾಗಿರುವ ತನ್ನ ದೀರ್ಘ‌ ಕಾಲೀನ ಬೇಡಿಕೆಯನ್ನು ಈಡೇರಿಸುವಲ್ಲಿ ಧನಾತ್ಮಕ ನಿರ್ಧಾರವೊಂದನ್ನು ಕೈಗೊಳ್ಳುವುದಕ್ಕೆ ರಾಜ್ಯ ಸರಕಾರಕ್ಕೆ ಇರುವ ಅಡ್ಡಿಯಾದರೂ ಏನು ಎಂಬುದು ತನಗೆ ಗೊತ್ತಾಗುತ್ತಿಲ್ಲ ಎಂದು ಬಾರ್‌ ಅಸೋಸಿಯೇಶನ್‌ ಹೇಳಿದೆ.

ಮಹೋನ್ನತ ಮಹಾರಾಜನ ಗೌರವಾರ್ಥವಾಗಿ ಸೆ.23ನ್ನು ರಜಾ ದಿನವನ್ನಾಗಿ ರಾಜ್ಯ ಸರಕಾರ ಘೋಷಿಸಬೇಕೆನ್ನುವುದು ಎಲ್ಲ ರಾಜಕೀಯ ಪಕ್ಷಗಳು, ಸಾಮಾಜಿಕ ಸೇವಾ ಸಂಘಟನೆಗಳು ಮತ್ತು ಪೌರ ಸಮಾಜದ ಆಶಯವಾಗಿದೆ ಎಂದು ಬಾರ್‌ ಅಸೋಸಿಯೇಶನ್‌ ಅಧ್ಯಕ್ಷ ಬಿ ಎಸ್‌ ಸ್ಲಾಥಿಯಾ ಹೇಳಿದ್ದಾರೆ.