ಪಾತಕಿ ದಾವೂದ್‌ ಆರೋಗ್ಯವಂತ

Team Udayavani, Sep 23, 2017, 8:23 AM IST

ಮುಂಬೈ: ವಸೂಲಿ ಪ್ರಕರಣ ಸಂಬಂಧ ಇಕ್ಬಾಲ್‌ ಕಸ್ಕರ್‌ ಬಂಧನವಾದ ದಿನ ದಿಂದಲೂ ಭೂಗತ ಪಾತಕಿ ದಾವೂದ್‌ ಇಬ್ರಾಹಿಂಗೆ ಸಂಬಂಧಿಸಿದ ಅನೇಕ ಸ್ಫೋಟಕ ಮಾಹಿತಿಗಳು ಬಹಿರಂಗವಾ  ಗುತ್ತಲೇ ಇವೆ. ಇದೀಗ ಇದಕ್ಕೆ ಹೊಸ ಸೇರ್ಪಡೆಯೆಂಬಂತೆ, “ದಾವೂದ್‌ಗೆ ಯಾವುದೇ ಕಾಯಿಲೆಗಳಿಲ್ಲ. ಆತ ಆರೋಗ್ಯವಾಗಿಯೇ ಇದ್ದಾನೆ’ ಎಂದು ಅವನ ಸೋದರ ಕಸ್ಕರ್‌ ಹೇಳಿದ್ದಾನೆ.

ದಾವೂದ್‌ಗೆ ಗ್ಯಾಂಗ್ರೀನ್‌ ಆಗಿದೆ, ಹೃದಯಾಘಾತ ಆಗಿದೆ ಎಂದೆಲ್ಲ ಇತ್ತೀಚೆಗೆ ಮಾಧ್ಯಮಗಳಲ್ಲಿ ವರದಿಯಾಗಿತ್ತು. ಆದರೆ, ಈ ಎಲ್ಲ ವರದಿಗಳನ್ನೂ ತಳ್ಳಿಹಾಕಿರುವ ಕಸ್ಕರ್‌, “ದಾವೂದ್‌ ಈಗಲೂ ಫಿಟ್‌ ಆ್ಯಂಡ್‌ ಫೈನ್‌’ ಆಗಿದ್ದಾನೆ ಎಂದು ಪೊಲೀಸರ ವಿಚಾರಣೆ ವೇಳೆ ಬಾಯಿಬಿಟ್ಟಿದ್ದಾನೆ. ಅಷ್ಟೇ ಅಲ್ಲ, ಪಾಕಿಸ್ತಾನದ ಕರಾಚಿಯಲ್ಲಿರುವ ದಾವೂದ್‌ನ 4 ಮನೆಗಳ ವಿಳಾಸಗಳನ್ನೂ ಕಸ್ಕರ್‌ ಇದೇ ವೇಳೆ  ಪೊಲೀಸರಿಗೆ ನೀಡಿದ್ದಾನೆ. ಜತೆಗೆ, ದಾವೂದ್‌ನೊಂದಿಗೆ ಆತನ ಮತ್ತೂಬ್ಬ ಸಹೋದರ ಅನೀಸ್‌ ಮತ್ತು ಆಪ್ತ ಸಹಚರ ಛೋಟಾ ಶಕೀಲ್‌ ಕೂಡ ಪಾಕ್‌ನ ಬಂದರು ನಗರಿಯ ವೈಭವೋಪೇತ ಪ್ರದೇಶದಲ್ಲಿ ವಾಸವಾಗಿದ್ದಾರೆ ಎಂಬ ಮಾಹಿತಿಯನ್ನೂ ನೀಡಿದ್ದಾನೆ. 
ಸೋದರ ಅನೀಸ್‌ ಪ್ರತಿ ವರ್ಷ ಈದ್‌ ಹಬ್ಬದ ಸಂದರ್ಭದಲ್ಲಿ ಮುಂಬೈನಲ್ಲಿ  ರುವ ಕುಟುಂಬ ಸದಸ್ಯರಿಗೆ ದೂರವಾಣಿ ಕರೆ ಮಾಡುತ್ತಾನೆ ಎಂದಿದ್ದಾನೆ.

ಮುಂಬೈಗೆ ಬಂದಿದ್ದ ಪತ್ನಿ: ಇದೇ ವೇಳೆ, ದಾವೂದ್‌ ಪತ್ನಿ ಮೆಹಜಬಿನ್‌ ಶೇಖ್‌ ಅಲಿಯಾಸ್‌ ಝುಬೀನಾ ಝರೀನ್‌ ಕಳೆದ ವರ್ಷ ತನ್ನ ಅಪ್ಪನನ್ನು ಭೇಟಿ  ಯಾಗಲೆಂದು ಮುಂಬೈಗೆ ಬಂದಿದ್ದರು. ತಂದೆ ಸಲೀಂ ಕಾಶ್ಮೀರಿಯನ್ನು ಭೇಟಿಯಾದ ಬಳಿಕ ಆಕೆ ವಾಪಸಾದಳು
ಎಂದಿದ್ದಾನೆ ಕಸ್ಕರ್‌.