ಮೊಬೈಲ್‌ ಐಎಂಇಐ ಸಂಖ್ಯೆ ತಿರುಚಿದ್ರೆ 3 ವರ್ಷ ಜೈಲು

Team Udayavani, Sep 25, 2017, 6:30 AM IST

ನವದೆಹಲಿ: ಮೊಬೈಲ್‌ಗ‌ಳ ಐಎಂಇಐ ಸಂಖ್ಯೆ (15 ಅಂಕಿಗಳ ಸೀರಿಯಲ್‌ ನಂಬರ್‌)ಯನ್ನೇನಾದರೂ ಬದಲಾ ಯಿಸಲು ಅಥವಾ ತಿರಚಲು ಹೋದರೆ ಕಂಬಿ ಎಣಿಸೋದು ಖಚಿತ. ಏಕೆಂದರೆ, ಹೀಗೆ ಮಾಡುವುದನ್ನು ಕೇಂದ್ರ ಸರ್ಕಾರ ಅಪರಾಧ ಎಂದು ಘೋಷಿಸಿದೆ. 

ಹಾಗಾಗಿ, ಯಾರಾದರೂ ಐಎಂಇಐ ಸಂಖ್ಯೆಯನ್ನು ತಿರುಚಿದರೆ, ಅಂಥವರಿಗೆ 3 ವರ್ಷಗಳವರೆಗೆ ಜೈಲು ಹಾಗೂ ದಂಡ ವಿಧಿಸಲಾಗುತ್ತದೆ.

ಮೊಬೈಲ್‌ ಕಳ್ಳತನಕ್ಕೆ ಕಡಿವಾಣ ಹಾಕುವ ಉದ್ದೇಶದಿಂದ ಈ ನಿಯಮ ಜಾರಿ ಮಾಡಲಾಗಿದೆ. ನಕಲಿ ಐಎಂಇಐ ಸಂಖ್ಯೆಯನ್ನು ಹಾಗೂ ಕಳೆದುಹೋದ ಮೊಬೈಲ್‌ ಫೋನ್‌ಗಳನ್ನು ಪತ್ತೆಹಚ್ಚಲು ಇದು ಸಹಕಾರಿಯಾಗಲಿದೆ. “ಉತ್ಪಾ ದಕನ ಹೊರತಾಗಿ ಬೇರೆ ಯಾರಾದರೂ ಉದ್ದೇಶ ಪೂರ್ವಕವಾಗಿ ಐಎಂಇಐ ಸಂಖ್ಯೆಯನ್ನು ಹೊರತೆಗೆ ಯುವುದು, ಬದಲಿಸುವುದು ಅಥವಾ ತಿರುಚುವುದನ್ನು ಮಾಡಿದರೆ, ಅದು ಕಾನೂನುಬಾಹಿರ’ ಎಂದು ಹೊಸ ನಿಯಮ ಹೇಳುತ್ತದೆ. ಐಎಂಇಐ ಎನ್ನುವುದು ಮೊಬೈಲ್‌ ಹ್ಯಾಂಡ್‌ಸೆಟ್‌ಗಳಿಗೆ ನೀಡಲಾಗುವ ವಿಶಿಷ್ಟ ಸಂಖ್ಯೆಯಾಗಿದೆ. ಸಿಮ್‌ ಬದಲಿಸುವ ಮೂಲಕ ಮೊಬೈಲ್‌ ಸಂಖ್ಯೆಯನ್ನು ಬದಲಾಯಿಸಬಹುದು. ಆದರೆ, ಐಎಂಇಐ ಸಂಖ್ಯೆ ಬದಲಾಗುವುದಿಲ್ಲ.