ದಸರಾ ಜಾತ್ಯತೀತ ನಾಡಹಬ್ಬ

Team Udayavani, Sep 27, 2017, 1:26 PM IST

ಹುಬ್ಬಳ್ಳಿ: ನಾಡಹಬ್ಬವಾಗಿ ಆಚರಿಸುವ ದಸರಾ ನಿಜಕ್ಕೂ ಜಾತ್ಯತೀತ ಹಬ್ಬವಾಗಿದೆ ಎಂದು ಬಾಲವಿಕಾಸ ಅಕಾಡೆಮಿ ಅಧ್ಯಕ್ಷ ವೇದವ್ಯಾಸ ಕೌಲಗಿ ಹೇಳಿದರು. ಶರನ್ನವರಾತ್ರೋತ್ಸವ ನಿಮಿತ್ತ ನಗರದ ತೊರವಿಗಲ್ಲಿ ಶ್ರೀ ರಾಘವೇಂದ್ರ ಸ್ವಾಮಿಗಳ ಮಠದಲ್ಲಿ ಆಯೋಜಿಸಿದ್ದ ಗಣ್ಯರಿಗೆ ಗೌರವಾಶೀರ್ವಾದ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. 

ಹುಡಾ ಅಧ್ಯಕ್ಷ ಅನ್ವರ ಮುಧೋಳ ಮಾತನಾಡಿ, ನಾವೆಲ್ಲ ಭಾರತೀಯರು. ಇಲ್ಲೇ ಜನ್ಮತಾಳಿ ಇಲ್ಲೇ ಮಣ್ಣಾಗುತ್ತೇವೆ. ಹೀಗಾಗಿ ಪ್ರತಿಯೊಬ್ಬರೂ ಹಿಂದು-ಮುಸ್ಲಿಂ ಎಂಬ ಭೇದ ಭಾವವಿಲ್ಲದೆ ಸೌಹಾರ್ದಂದ ಬಾಳುವುದನ್ನು ಕಲಿಯಬೇಕು ಎಂದರು. ವಾಕರಸಾಸಂ ಅಧ್ಯಕ್ಷ ಸದಾನಂದ ಡಂಗನವರ ಮಾತನಾಡಿದರು.

ಶಿಷ್ಟರ ರಕ್ಷಣೆ, ದುಷ್ಟರಿಗೆ ಶಿಕ್ಷೆ ದಸರಾ ಹಬ್ಬದ ಸಂಕೇತವಾಗಿದೆ. ತಾಯಿ ದುರ್ಗೆ ಎಲ್ಲರಿಗೂ ಸದ್ಬುದ್ಧಿ ಕರುಣಿಸಲಿ ಎಂದರು ಶ್ರೀಮಠದ ಧರ್ಮಾಧಿಕಾರಿ ಪಂ| ನರಹರಿ ಆಚಾರ್ಯ ವಾಳ್ವೆಕರ ಎಲ್ಲರಿಗೂ ಶುಭ ಕೋರಿದರು. ವಿವಿಧ ಭಜನಾ ಮಂಡಳಿಗಳಿಂದ ಭಜನೆ ನಡೆಯಿತು.

ಜಯಜನಾರ್ಧನ ಗೀತೆಗೆ ಬಾಲಕಿ ಅನಘಾ ಕಟ್ಟಿ  ನೃತ್ಯ ಪ್ರದರ್ಶಿಸಿದರು. ಗೋಪಾಲ ಕುಲಕರ್ಣಿ, ವಾದಿರಾಜ  ಕುಲಕರ್ಣಿ, ಎ.ಸಿ. ಗೋಪಾಲ, ಜಿ.ಎಸ್‌. ಮೈಸೂರ, ಅಶ್ವಿ‌ನಿ ಬ್ಯಾಡಗಿ, ರಾಮಚಂದ್ರ ಕುಲಕರ್ಣಿ, ಡಾ| ವಿಜಯವಿಠಲ ಮಠದ, ಎಸ್‌.ಎಂ. ಸುಬ್ಬಣ್ಣವರ ಹಾಗೂ ಇತರರು ಇದ್ದರು. ಸುಧೀಂದ್ರ ಆಲೂರು ಸ್ವಾಗತಿಸಿದರು. ಸಂದೀಪ ರಿತ್ತಿ ವಂದಿಸಿದರು. ಅಂಬರೀಷ ಹಾನಗಲ್ಲ ನಿರೂಪಿಸಿದರು.