ಗಾಂಧಿ,ಶಾಸ್ತ್ರಿ ಜಯಂತಿ:ಪ್ರಧಾನಿ,ಗಣ್ಯರಿಂದ ಪುಷ್ಪ ನಮನ 

Team Udayavani, Oct 2, 2017, 9:33 AM IST

ಹೊಸದಿಲ್ಲಿ: ಇಂದು ಅಕ್ಟೋಬರ್‌ 2,ಸೋಮವಾರ ದೇಶಾದ್ಯಂತ ರಾಷ್ಟ್ರಪಿತ ಮಹಾತ್ಮ ಗಾಂಧಿ ಮತ್ತು ದೇಶದ 2 ನೇ ಪ್ರಧಾನ ಮಂತ್ರಿ ಲಾಲ್‌ ಬಹುದ್ದೂರ್‌ ಶಾಸ್ತ್ರಿ ಅವರ ಜನ್ಮ ದಿನಾಚರಣೆಯನ್ನು ಆಚರಿಸಲಾಗುತ್ತಿದೆ. 

ರಾಜ್‌ ಘಾಟ್‌ನಲ್ಲಿರುವ ಗಾಂಧಿ ಸಮಾಧಿ ಮತ್ತು ವಿಜಯ್‌ ಘಾಟ್‌ನಲ್ಲಿರುವ ಶಾಸ್ತ್ರಿ ಅವರ ಸಮಾಧಿಗೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿ,ರಾಷ್ಟ್ರಪತಿ ರಾಮ್‌ ನಾಥ್‌ ಕೋವಿಂದ್‌ ,ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು , ಮಾಜಿ ಪ್ರಧಾನಿ ಡಾ.ಮನ್‌ಮೋಹನ್‌ ಸಿಂಗ್‌ ಸೇರಿದಂತೆ ಗಣ್ಯರು ಪುಷ್ಟ ನಮನ ಸಲ್ಲಿಸದರು. 

‘ನಾನು ಬಾಪುಗೆ ಶಿರಬಾಗಿ ನಮಿಸುತ್ತೇನೆ.ಅವರ ಉದಾತ್ತ ಆದರ್ಶಗಳು ಪ್ರಪಂಚದ ಕೋಟ್ಯಂತರ ಜನರಿಗೆ ಪ್ರೇರೇಪಣೆಯಾಗಿದೆ’ ಎಂದು  ಪ್ರಧಾನಿ ಮೋದಿ ಟ್ವೀಟ್‌ ಮಾಡಿದ್ದಾರೆ. 

ಇನ್ನೊಂದು ಟ್ವೀಟ್‌ನಲ್ಲಿ ಶಾಸ್ತ್ರಿ ಅವರನ್ನು ಸ್ಮರಿಸಿ ‘ಸೈನಿಕರು, ರೈತರಿಗೆ ಮತ್ತು ದೇಶಕ್ಕೆ ಕೌಶಲ್ಯಪೂರ್ಣ ನಾಯಕತ್ವವನ್ನು ನೀಡಿದ ಶಾಸ್ತ್ರಿ ಜಿ ಅವರಿಗೆ ನನ್ನ ನಮನಗಳು’ ಎಂದು ಬರೆದಿದ್ದಾರೆ.