ಸ್ವ-ಕ್ಷೇತ್ರದಲ್ಲೇ ಸಚಿವ ಖಾದರ್‌ಗೆ ಪ್ರತಿಭಟನೆಯ ಬಿಸಿ

Team Udayavani, Oct 6, 2017, 8:36 PM IST

ಉಳ್ಳಾಲ: ಇತ್ತೀಚೆಗೆ ದುಷ್ಕರ್ಮಿಗಳ ಅಟ್ಟಹಾಸಕ್ಕೆ ಬಲಿಯಾದ ಸಾಮಾಜಿಕ ಕಾರ್ಯಕರ್ತ ಜುಬೈರ್‌ ಅವರ ಮನೆಗೆ ಶುಕ್ರವಾರದಂದು ಸಂಜೆವೇಳೆ ಭೇಟಿ ನೀಡಲು ಬಂದಿದ್ದ ಸಚಿವ ಯು.ಟಿ. ಖಾದರ್‌ ಅವರಿಗೆ ಪ್ರತಿಭಟನೆಯ ಬಿಸಿತಟ್ಟಿದ್ದು,  ಮುಕ್ಕಚೇರಿ ಎಂಬಲ್ಲಿ DYFI ಸಂಘಟನೆಯ ನೇತೃತ್ವದಲ್ಲಿ ನಾಗರಿಕರು ಪ್ರತಿಭಟನೆ ನಡೆಸುತ್ತಿದ್ದ ವೇಳೆ ಸಚಿವರಿಗೆ ಘೇರಾವ್‌ ಹಾಕಿದ ಘಟನೆ ವರದಿಯಾಗಿದೆ.

ನಾಗರಿಕರ ಪ್ರತಿಭಟನೆಯ ಬಿಸಿಗೆ ಬೆಚ್ಚಿದ ಸಚಿವ ಖಾದರ್‌ ಅವರು ಅರ್ಧದಾರಿಯಿಂದಲೇ ಹಿಂದುರಿಗಿದ ಘಟನೆಯೂ ನಡೆಯಿತು. ಇದರಿಂದಾಗಿ ಜುಬೈರ್‌ ಅವರ ಮನೆಗೆ ಭೇಟಿ ನೀಡಲಾಗದೇ ಖಾದರ್‌ ಅವರು ಅರ್ಧದಿಂದಲೇ ಹಿಂದಿರುಗುವಂತಾಯಿತು. ಈ ಭಾಗದಲ್ಲಿ ವ್ಯಾಪಕವಾಗಿ ಹಬ್ಬಿರುವ ಡ್ರಗ್ಸ್‌ ದಂಧೆಯ ವಿರುದ್ಧ ಸಮರ್ಥವಾಗಿ ಧ್ವನಿ ಎತ್ತಿದ್ದ ಜುಬೈರ್‌ ಅವರನ್ನು ದುಷ್ಕರ್ಮಿಗಳು ಎರಡು ದಿನಗಳ ಹಿಂದೆ ನಡುರಸ್ತೆಯಲ್ಲಿಯೇ ಬರ್ಭರವಾಗಿ ಕೊಚ್ಚಿ ಕೊಲೈಗದಿದ್ದರು.