ಬನ್ನೇರುಘಟ್ಟದಲ್ಲಿ ಅಶ್ವತ್ಥಾಮ ಆನೆ ಸಾವು 

Team Udayavani, Oct 14, 2017, 8:05 AM IST

ಆನೇಕಲ್‌: ಬನ್ನೇರುಘಟ್ಟ ಜೈವಿಕ ಉದ್ಯಾನವನದ ಕೆರೆಯಲ್ಲಿ ಆನೆಯೊಂದು ಮುಳುಗಿ ಮೃತಪಟ್ಟಿದೆ.

ಸುಮಾರು 9 ವರ್ಷ ವಯಸ್ಸಿನ ಅಶ್ವತ್ಥಾಮ ಎಂಬ ಆನೆ ಉದ್ಯಾನವದ ಕಾವಲು ಕೆರೆ ಬಳಿ ಇರುವ ಸಾಕಾನೆಗಳ ಶಿಬಿರದಲ್ಲಿ ಆಶ್ರಯ ಪಡೆದಿತ್ತು. ಇಲ್ಲಿನ ಕೆರೆಯಲ್ಲಿ ಮುಳುಗಿ ಮೃತಪಟ್ಟಿದೆ ಎಂದು ಅಧಿಕಾರಿ ಗಳು ತಿಳಿಸಿದ್ದಾರೆ. ಶುಕ್ರವಾರ ಮಧ್ಯಾಹ್ನ ಆನೆಗಳು ಕೆರೆಯ ನೀರಿನಲ್ಲಿ ಆಟವಾಡುತ್ತಿದ್ದವು. ಅದೇ ಸಮಯ ಆನೆಗಳಿಗೆ ಆಹಾರ ಬಂದಿದೆ. ಮಾವುತರು ತಮ್ಮ ತಮ್ಮ ಆನೆಗಳನ್ನು ಕರೆದು ಊಟ ಕೊಡಲು ಮುಂದಾಗಿದ್ದಾರೆ.

ಆ ಸಮಯದಲ್ಲಿ ನೀರಿನಲ್ಲಿ ಆಟ ವಾಡಿಕೊಂಡಿದ್ದ ಅಶ್ವತ್ಥಾಮ ನೀರಲ್ಲಿ ಮುಳುಗಿದೆ. ಇದನ್ನು ಕಂಡ ಇತರೆ ಮಾವುತರು ಆನೆಯನ್ನು ನೀರಿನಿಂದ ಎತ್ತಲು ಮುಂದಾಗಿದ್ದಾರೆ. ಆದರೆ ಅಷ್ಟರಲ್ಲಿ ಆನೆ ನೀರು ಕುಡಿದು ಮೃತಪಟ್ಟಿದೆ ಎಂದು ತಿಳಿದು ಬಂದಿದೆ. ಈ ಹಿಂದೆ ರಾಜಪಾಲರಾಗಿದ್ದ ಎಚ್‌.ಆರ್‌. ಭಾರದ್ವಾಜ್‌ ಅವರು ಆನೆಗೆ ಅಶ್ವತ್ಥಾಮ ಎಂದು ನಾಮಕರಣ ಮಾಡಿದ್ದರು.