ರಾಸುಗಳಿಗೂ ಹೆಲ್ತ್‌  ಕಾರ್ಡ್‌

Team Udayavani, Oct 14, 2017, 10:51 AM IST

ರಾಂಚಿ: ಬಿಜೆಪಿ ಆಡಳಿತ ಇರುವ ಜಾರ್ಖಂಡ್‌ನ‌ಲ್ಲಿ ದೇಶದಲ್ಲಿಯೇ ಮೊದಲ ಬಾರಿಗೆ 15 ಲಕ್ಷ ರಾಸುಗಳಿಗೆ ಆರೋಗ್ಯ ಕಾರ್ಡ್‌  ವಿತರಿಸಲಾಗುತ್ತದೆ. ಕೇಂದ್ರ ಸರ್ಕಾದ “ಪಶುಧಾನ್‌ ಸಂಜೀವಿನಿ ಸ್ಕೀಮ್‌’ನ ಅಡಿ ಯಲ್ಲಿ ಅದನ್ನು ಅನುಷ್ಠಾನಗೊಳಿಸಲಾಗುತ್ತದೆ ಎಂದು ಯೋಜನೆಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಗೋವಿಂದ ಪ್ರಸಾದ್‌ ತಿಳಿಸಿದ್ದಾರೆ.

ಮೊದಲ ಹಂತದ ಈ ಯೋಜನೆ ಮುಂದಿನ ತಿಂಗಳಿಂದ  ಆರಂಭವಾಗುವ ಸಾಧ್ಯತೆ ಇದೆ. ದ್ರದ ವತಿಯಿಂದ ಈ ಯೋಜನೆಗಾಗಿ 1.57 ಕೋಟಿ ರೂ.ಗಳ ನೆರವು ನೀಡಿದೆ. ಅದರಲ್ಲಿ ಆರೋಗ್ಯ ಕಾರ್ಡ್‌  ಜತೆಗೆ ಆಧಾರ್‌ ಕಾರ್ಡ್‌ನಲ್ಲಿರುವಂತೆ 12 ಅಂಕಿಗಳ ವಿಶಿಷ್ಟ ಸಂಖ್ಯೆಯನ್ನೂ ನೀಡಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.

ಈ ವಿಶೇಷ  ಯೋಜನೆಗೆ ಜಾರ್ಖಂಡ್‌ ಸರ್ಕಾರ ಕೂಡ 1.04 ಕೋಟಿ ರೂ. ನೆರವು ನೀಡಿದೆ ಎಂದಿದ್ದಾರೆ. ದನಗಳು, ಎಮ್ಮೆಗಳಲ್ಲಿನ ಉತ್ಪಾ ದಕತೆ ಹೆಚ್ಚಿಸಲು ಈ ಯೋಜನೆ ಜಾರಿಗೊಳಿ ಸಲಾ ಗುತ್ತದೆ. ಈ ಹಿಂದೆ ಜಾರ್ಖಂಡ್‌ ಸರ್ಕಾರ ದಿಂದಲೇ ಜಾನುವಾರುಗಳ ಉತ್ಪಾದಕತೆ ಮತ್ತು ಆರೋಗ್ಯ ಜಾಲ (ಐಎನ್‌ಎಪಿಎಚ್‌) ಯೋಜನೆಯಡಿ ರಾಸುಗಳಿಗೆ ವಿಶೇಷ ಗುರು ತಿನ ಸಂಖ್ಯೆ ನೀಡಲು ಕ್ರಮ ಕೈಗೊಂಡಿತ್ತು. 

ಅದರ ವ್ಯಾಪ್ತಿಯಲ್ಲಿ 70 ಸಾವಿರ  ಗೋವುಗಳಿಗೆ ವಿಶೇಷ ಸಂಖ್ಯೆ ನೀಡಲಾಗಿತ್ತು. ಈ ಮೂಲಕ  ಅವುಗಳ ಆರೋಗ್ಯ ಹೆಚ್ಚಳ ಮತ್ತು ಕಳ್ಳಸಾಗಣೆ ತಪ್ಪಿಸುವ ನಿಟ್ಟಿನಲ್ಲಿಯೂ ಅದು  ನೆರವಾಗಿದೆ ಎಂದು ಅಧಿಕಾರಿಗಳು ಹೇಳಿಕೊಂಡಿದ್ದಾರೆ.