ಆಸೀಸ್‌ ಬಸ್‌ ಮೇಲೆ ದಾಳಿ: ಭಾರತ ವಿರುದ್ಧ ಕ್ರಮಕ್ಕೆ ಪಾಕ್‌ ಒತ್ತಾಯ

Team Udayavani, Oct 15, 2017, 6:40 AM IST

ನವದೆಹಲಿ: ಗುವಾಹಟಿಯಲ್ಲಿ ನಡೆದ ಎರಡನೇ ಟಿ20ನಲ್ಲಿ ಭಾರತ ತಂಡ ಸೋತ ಬಳಿಕ ಆಸ್ಟ್ರೇಲಿಯಾ ಕ್ರಿಕೆಟಿಗರಿದ್ದ ಬಸ್‌ಗೆ ದುಷ್ಕರ್ಮಿಗಳು ಕಲ್ಲು ತೂರಿದ್ದರು. ಇದರ ವಿರುದ್ಧ ಸ್ವತಃ ಆಸ್ಟ್ರೇಲಿಯಾ ಕ್ರಿಕೆಟ್‌ ಅಭಿಮಾನಿಗಳು ಪ್ರತಿಭಟನೆ ನಡೆಸದಿದ್ದರೂ ಪಾಕಿಸ್ತಾನದಲ್ಲಿ ಮಾತ್ರ ಭಾರೀ ಆಕ್ರೋಶ ವ್ಯಕ್ತವಾಗಿದೆ. 

ಸಾಮಾಜಿಕ ಜಾಲತಾಣದಲ್ಲಿ ಕೆಲ ಅಭಿಮಾನಿಗಳು ಐಸಿಸಿ (ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿ) ಭಾರತದ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು. ಭಾರತ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಆಯೋಜಿಸುವುದನ್ನು ನಿಷೇಧಿಸಬೇಕು ಎಂದು ಒತ್ತಾಯಿಸಿದ್ದಾರೆ. ಕೆಲ ಟ್ವೀಟ್‌ಗಳು ಹೀಗಿವೆ. ಭಾರತ ದೊಡ್ಡ ಭಯೋತ್ಪಾದಕ ರಾಷ್ಟ್ರ, ಹೀಗಿದ್ದ ಮೇಲೆ ಹೇಗೆ ಕ್ರಮ ತೆಗೆದುಕೊಳ್ಳುತ್ತೀರಿ ಎಂದು ಒಬ್ಬ ಹೇಳಿದ್ದರೆ, ಮತ್ತೂಬ್ಬ ಭಾರತಕ್ಕೆ ನಾಚಿಕೆ ಆಗಬೇಕು. ಆಸೀಸ್‌ ಕ್ರಿಕೆಟ್‌ ಮಂಡಳಿಯವರು ತಂಡವನ್ನು ಬೇಗೆ ಹಿಂದಕ್ಕೆ ತೆಗೆದುಕೊಳ್ಳಬೇಕು ಎಂದಿದ್ದಾನೆ.