ಉತ್ತಮ ಮಳೆಯಿಂದ ಅಂತರ್ಜಲ ಹೆಚ್ಚಳ: ಶಾಸಕ ರಾಜೇಶ

Team Udayavani, Oct 21, 2017, 1:04 PM IST

ಜಗಳೂರು: ತಾಲೂಕಿನಲ್ಲಿ ಎರಡೂರು ಬಾರಿ ಸುರಿದ ಭಾರಿ ಮಳೆಗೆ ಜಗಳೂರು ತಾಲೂಕಿನ ಕೆರೆ ಕಟ್ಟೆಗಳಲ್ಲಿ ಸಾಕಷ್ಟು ನೀರು ಭರ್ತಿಯಾಗಿದೆ. ಈ ಬೆಳವಣಿಗೆಯಿಂದ ಅಂತರ್ಜಲವೂ ಹೆಚ್ಚಳವಾಗಲಿದೆ ಎಂದು ಎಂದು ಶಾಸಕ ಎಚ್‌.ಪಿ. ರಾಜೇಶ್‌ ತಿಳಿಸಿದರು.

ತಾಲೂಕಿನ ಬಿದರಕೆರೆ, ಸಂಗೇನಹಳ್ಳಿ, ಜಮಾಪುರ, ದೊಣ್ಣೆಹಳ್ಳಿ ಹೊಸಹಟ್ಟಿ, ಚಿಕ್ಕಮಲ್ಲನಹೊಳೆ, ಗಡಿಮಾಕುಂಟೆ, ಸೇರಿದಂತೆ ಇತರೇ ಪ್ರಮುಖ ಕೆರೆಗಳಿಗೆ ಬಾಗಿನ ಅರ್ಪಿಸಿ ಅವರು ಮಾತನಾಡಿದರು. ಕಳೆದ ಮೂರು ವರ್ಷದಿಂದ ಮಳೆ ಇಲ್ಲದೇ ಅಂತರ್ಜಲ ಪಾತಾಳ ಸೇರಿತ್ತು. ಕುಡಿಯುವ ನೀರಿಗೆ ಹಾಹಾಕಾರವುಂಟಾಗಿದ್ದರಿಂದ ಸಾರ್ವಜನಿಕರು ಸಹಜವಾಗಿ ಆತಂಕಕ್ಕಿಡಾಗಿದ್ದರು. ಈ ವರ್ಷ ವರುಣನ ಕೃಪೆಯಿಂದ ಕೆರೆ ಕಟ್ಟಿಗಳಲ್ಲಿ ನಿರೀಕ್ಷಿತ ಪ್ರಮಾಣದಲ್ಲಿ ಶೇಖರಣೆಯಾಗಿರುವುದರಿಂದ ಅಂತರ್ಜಲದಲ್ಲಿ ತುಸು ಚೇತರಿಕೆ ಕಂಡಿದೆ ಎಂದರು.

 ಎಪಿಎಂಸಿ ಅಧ್ಯಕ್ಷ ಯು.ಜಿ.ಶಿವಕುಮಾರ್‌, ತಾಪಂ ಸದಸ್ಯ ಕುಬೇರಪ್ಪ, ತಾಲೂಕು ನಾಯಕ ಸಮಾಜದ ಕಾರ್ಯದರ್ಶಿ ಬಿ.ಲೋಕೇಶ್‌, ಯುವ ಕಾಂಗ್ರೆಸ್‌ ಅಧ್ಯಕ್ಷ ಬಿಸ್ತುವಳ್ಳಿ ಬಾಬು, ಮುಖಂಡರಾದ ಬಸಾಪುರ ರವಿಚಂದ್ರ, ಕೇಶವಮೂರ್ತಿ, ಡಿ.ಆರ್‌.ಹನುಮಂತಪ್ಪ, ಎಲ್‌.ಬಿ.ಬೈರೇಶ್‌, ಗಿರೀಶ್‌ಒಡೆಯರ್‌, ಜಮ್ಮಾಪುರ ಲೋಕೇಶ್‌, ಅಜ್ಜಪ್ಪ ಸೇರಿದಂತೆ ಮತ್ತಿತರರಿದ್ದರು.