ಸ್ವಿಸ್‌ ಪ್ರೇಮಿಗಳ ಮೇಲೆ ದಾಳಿ:ಯೋಗಿ ವಿರುದ್ಧ ಅಖಿಲೇಶ್‌ ಕಿಡಿ

Team Udayavani, Oct 26, 2017, 3:33 PM IST

ಆಗ್ರಾ: ಕಳೆದ ಭಾನುವಾರ ಪ್ರವಾಸಿ ತಾಣವಾದ ಆಗ್ರಾದ ಫತೇಪುರ್‌ ಸಿಖ್ರಿಯ ಲ್ಲಿ ಸ್ವಿಟ್ಜರ್‌ಲ್ಯಾಂಡ್‌ ಮೂಲದ ದಂಪತಿಯ ಮೇಲೆ ನಡೆದ ಗುಂಪು ಹಲ್ಲೆ ಕುರಿತಾಗಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ವಿರುದ್ಧ ಮಾಜಿ ಸಿಎಂ ಅಖಿಲೇಶ್‌ ಯಾದವ್‌ ಕಿಡಿ ಕಾರಿದ್ದು, ‘ನಿಮ್ಮ ಆ್ಯಂಟಿ ರೋಮಿಯೊ ಸ್ಕ್ವಾಡ್‌ ಎಲ್ಲಿ ಹೋಗಿತ್ತು’ ಎಂದು ಪ್ರಶ್ನಿಸಿದ್ದಾರೆ. 

ಪ್ರವಾಸಿಗರಾಗಿ ಬಂದಿದ್ದ  ಕ್ವೆಂಟಿನ್‌ ಜೆರೆಮಿ ಕ್ಲರ್ಕ್‌ ಮತ್ತು ಗೆಳತಿ ಮಾರಿ ಡ್ರೊಜ್‌ ದಂಪತಿ ಭಾನುವಾರ ರೈಲು ನಿಲ್ದಾಣದ ಬಳಿ ಸೆಲ್ಫಿ ಕ್ಲಿಕ್ಕಿಸಲು ಮುಂದಾದಾಗ ಯುವಕರ ಗುಂಪು ಹಿಗ್ಗಾಮುಗ್ಗಾ ಥಳಿಸಿತ್ತು. ಗಂಭೀರವಾಗಿ ಗಾಯಗೊಂಡಿದ್ದ ಅವರನ್ನು ದೆಹಲಿಯ ಅಪೋಲೋ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದ್ದು ಇಬ್ಬರೂ ಚೇತರಿಸಿಕೊಂಡಿದ್ದಾರೆ.

ಘಟನೆಗೆ ಸಂಬಂಧಿಸಿ ವಿದೇಶಾಂಗ ಸಚವೆ ಸುಷ್ಮಾ ಸ್ವರಾಜ್‌ ಅವರು ಉತ್ತರ ಪ್ರದೇಶ ಸರ್ಕಾರದ ಬಳಿ ವಿಸ್ಕೃತ ವರದಿಯನ್ನು ಕೇಳಿದ್ದಾರೆ.