ಸಿದ್ಧಕಟ್ಟೆ: ಮನೆ ಮನೆಗೆ ಕಾಂಗ್ರೆಸ್‌

Team Udayavani, Nov 4, 2017, 4:54 PM IST

ಪುಂಜಾಲಕಟ್ಟೆ: ಬಂಟ್ವಾಳ ತಾ| ಸಂಗಬೆಟ್ಟು ಪಂಚಾಯತ್‌ ವ್ಯಾಪ್ತಿಯಲ್ಲಿ ಸಿದ್ಧಕಟ್ಟೆ ವಲಯ ಕಾಂಗ್ರೆಸ್‌ ವತಿಯಿಂದ ಮನೆಮನೆಗೆ ಕಾಂಗ್ರೆಸ್‌ ಕಾರ್ಯಕ್ರಮ ಜರಗಿತು.

ಬಂಟ್ವಾಳ ಎಪಿಎಂಸಿ ಸದಸ್ಯ, ಸಂಗಬೆಟ್ಟು ಗ್ರಾಮ ಉಸ್ತುವಾರಿ ಎಂ. ಪದ್ಮರಾಜ ಬಲ್ಲಾಳ್‌ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿ, ಗ್ರಾಮೀಣ ಪ್ರದೇಶದ ಜನರ ಆಶೋತ್ತರಗಳಿಗೆ ಸ್ಪಂದಿಸಿದ ಸರಕಾರ ಕಾಂಗ್ರೆಸ್‌ ಸರಕಾರ ಸಾಲಮನ್ನಾ, 94 ಸಿ ಹಕ್ಕುಪತ್ರ ಮೊದಲಾದ ಜನಪರ ಕಾರ್ಯಕ್ರಮಗಳನ್ನು ನೀಡಿದ್ದು, ಜನ ಮನ್ನಣೆ ಗಳಿಸಿದೆ. ಜಿಲ್ಲಾ ಉಸ್ತುವಾರಿ ಸಚಿವ ರಮಾನಾಥ ರೈ ಅವರಿಂದ ಸಂಗಬೆಟ್ಟು ಗ್ರಾಮ ಪಂಚಾಯತ್‌ ವ್ಯಾಪ್ತಿಯಲ್ಲಿ ಉತ್ತಮ ಅಭಿವೃದ್ಧಿ ಕಾರ್ಯಗಳಾಗಿವೆ. ಕಾರ್ಯಕರ್ತರು ಜನತೆಗೆ ತಿಳಿಸಬೇಕಾಗಿದೆ ಎಂದು ಹೇಳಿದರು.

ಸಿದ್ಧಕಟ್ಟೆ ವಲಯ ಕಾಂಗ್ರೆಸ್‌ ಅಧ್ಯಕ್ಷ ಶಿವಾನಂದ ರೈ, ತಾಲೂಕು ಪಂಚಾಯತ್‌ ಸದಸ್ಯ ಪ್ರಭಾಕರ ಪ್ರಭು, ಕುಕ್ಕಿಪಾಡಿ ಗ್ರಾಮ ಪಂಚಾಯತ್‌ ಅಧ್ಯಕ್ಷ ದಿನೇಶ ಸುಂದರ ಶಾಂತಿ, ಸಂಗಬೆಟ್ಟು ಗ್ರಾಮ ಪಂಚಾಯತ್‌ ಸದಸ್ಯ ಕೆ. ಮಯ್ಯದಿ, ಪ್ರಮುಖರಾದ ಸೀತಾರಾಮ ಎಂ. ಶೆಟ್ಟಿ, ಎಸ್‌. ಎಂ. ಹುಸೇನ್‌, ಅಶೋಕ್‌ ಆಚಾರ್ಯ, ಕವಿತಾ ಬಿ. ಶೆಟ್ಟಿಗಾರ್‌, ಅಬ್ದುಲ್‌ ರಹಿಮಾನ್‌, ಶರೀಫ್‌ ಕೆರೆಬಳಿ, ರಮೇಶ್‌ ಗೌಡ, ಚಂದ್ರ ಗೌಡ ಮತ್ತಿತರರು ಉಪಸ್ಥಿತರಿದ್ದರು.