ಪುಣೆ ಶ್ರೀ ಗುರುದೇವ ಸೇವಾ ಬಳಗ ವಾರ್ಷಿಕೋತ್ಸವ

Team Udayavani, Nov 8, 2017, 4:29 PM IST

ಪುಣೆ: ಶ್ರೀ  ಗುರುದೇವ ಸೇವಾ ಬಳಗ ಮತ್ತು ಶ್ರೀ ವಜ್ರಮಾತ ಮಹಿಳಾ ವಿಕಾಸ ಕೇಂದ್ರ ಪುಣೆ ಇದರ 14ನೇ ವಾರ್ಷಿಕೋತ್ಸವ ಸಮಾರಂಭವು ನ.  6ರಂದು ಅಪರಾಹ್ನ 2.30 ರಿಂದ ತಿಲಕ್‌ ಸ್ಮಾರಕ ರಂಗ ಮಂದಿರದಲ್ಲಿ ವಿವಿಧ ಧಾರ್ಮಿಕ, ಸಾಂಸ್ಕೃತಿಕ, ಸಾಮಾಜಿಕ ಕಾರ್ಯಕ್ರಮಗಳೊಂದಿಗೆ ಜರಗಿತು.

ಶ್ರೀ ಗುರುದೇವ ದತ್ತ ಸಂಸ್ಥಾನಂ ಶ್ರೀ  ದತ್ತಗುರು ವೀರಾಂಜನೇಯ ಸ್ವಾಮಿ  ಕ್ಷೇತ್ರ ಒಡಿಯೂರಿನ ಪರಮ ಪೂಜ್ಯ ಶ್ರೀ ಗುರುದೇವಾನಂದ ಸ್ವಾಮೀಜಿ ಅವರು ದೀಪಪ್ರಜ್ವಲಿಸಿ ಸಮಾರಂಭಕ್ಕೆ ಚಾಲನೆ ನೀಡಿ, ಅಕ್ಷತೆ ಹಾಕಿ ಹರಸಿದರು.

ಈ  ಸಂದರ್ಭದಲ್ಲಿ  ಸಾಧ್ವಿ ಶ್ರೀ ಮಾತಾನಂದ ಮಯೀ, ಮುಖ್ಯ ಅಥಿತಿಗಳಾದ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷರಾದ  ಎ. ಸಿ. ಭಂಡಾರಿ, ಮುಂಬಯಿ ಉದ್ಯಮಿ ಕಚ್ಚಾರು ಶ್ರೀ ನಾಗೇಶ್ವರ ದೇವಸ್ಥಾನ ಬಾಕೂìರು ಇದರ ಆಡಳಿತ ಮೊಖೆ¤ೆ¤àಸರರಾದ   ಕಡಂದಲೆ ಸುರೇಶ್‌ ಭಂಡಾರಿ, ಪುಣೆಯ ಉದ್ಯಮಿ, ಲೆಕ್ಕಪರಿಶೋಧಕರಾದ ಎ. ಸದಾನಂದ ಭಂಡಾರಿ, ಮುಂಬಯಿ ಶ್ರೀ ಗುರುದೇವ ಸೇವಾ ಬಳಗದ ಉಪಾಧ್ಯಕ್ಷ  ಚಂದ್ರಹಾಸ ರೈ ಬೊಲಾ°ಡುಗುತ್ತು,  ಪುಣೆ ಶ್ರೀ ಗುರುದೇವ ಸೇವಾ ಬಳಗದ ಅಧ್ಯಕ್ಷರಾದ ಸದಾನಂದ ಕೆ. ಶೆಟ್ಟಿ, ಗೌರವ ಪ್ರಧಾನ ಕಾರ್ಯದರ್ಶಿ ಎನ್‌. ರೋಹಿತ್‌ ಡಿ. ಶೆಟ್ಟಿ, ಮಾಜಿ ಅಧ್ಯಕ್ಷ  ನಾರಾಯಣ ಕೆ. ಶೆಟ್ಟಿ,  ಪುಣೆ ವಜ್ರಮಾತ ಮಹಿಳಾ ವಿಕಾಸ ಕೇಂದ್ರದ ಅಧ್ಯಕ್ಷೆ  ಪ್ರೇಮಾ ಎಸ್‌. ಶೆಟ್ಟಿ, ಕಾರ್ಯದರ್ಶಿ ವೀಣಾ ಡಿ. ಶೆಟ್ಟಿ, ನಾಸಿಕ್‌, ಅಹ್ಮದ್‌ ನಗರ ಶ್ರೀ ಗುರುದೇವ ಸೇವಾ ಬಳಗದ ಪ್ರಮುಖರು, ಮತ್ತಿತರರು ಉಪಸ್ಥಿತರಿದ್ದರು.

ಪ್ರಾರಂಭದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ಶ್ರೀ  ಗುರುದೇವ ಸೇವಾಬಳಗ ಹಾಗೂ ಶ್ರೀ ವಜ್ರ ಮಾತಾ ಮಹಿಳಾ ವಿಕಾಸ ಕೇಂದ್ರದವರಿಂದ ಭಜನೆ, ಬಳಗದ ಸದಸ್ಯೆಯರಿಂದ ವಿವಿಧ ಧಾರ್ಮಿಕ ನೃತ್ಯ ವೈಭವ  ಹಾಗೂ ಕನ್ನಡ ನೃತ್ಯ ಕಲಾ ವೈಭವ ದಿಂದ  ಕರ್ನಾಟಕದಾದ್ಯಂತ ಹೆಸರನ್ನು ಗಳಿಸಿರುವ ಮಂಗಳೂರಿನ ಹೆಸರಾಂತ  ಸನಾತನ ನಾಟ್ಯಾಲಯದ ವಿದುಷಿ ಶಾರದಾ
ಮಣಿ ಶೇಖರ್‌ ಮತ್ತು  ವಿದುಷಿ ಶ್ರೀಲತಾ ನಾಗರಾಜ್‌ ತಂಡದವರಿಂದ  ನೃತ್ಯ ವೈವಿಧ್ಯ ಮತ್ತು  ತುಳುನಾಡಿನ  ಸಿರಿಯ ಕಥೆಯಾದಾರಿತ     ಡಾ| ಅಮೃತ ಸೋಮೇಶ್ವರ ವಿರಚಿತ ಸತ್ಯನಾಪುರೋತ ಸಿರಿ ನೃತ್ಯ ರೂಪಕ  ಪ್ರದರ್ಶನಗೊಂಡಿತು. 

ಧಾರ್ಮಿಕ ಕಾರ್ಯಕ್ರಮದ ಅಂಗವಾಗಿ ಪಾದಪೂಜೆ, ಗುರುವಂದನೆ ಹಾಗೂ ಪ್ರಸಾದ ವಿತರಣೆ, ಅನ್ನಸಂತರ್ಪಣೆ  ನಡೆಯಿತು. ಸಾವಿರಾರು ಭಕ್ತಾದಿಗಳು ಪಾಲ್ಗೊಂಡು ಶ್ರೀಗಳಿಗೆ ಆಶೀರ್ವಾದ ಪಡೆದರು. 

ಚಿತ್ರ-ವರದಿ: ಹರೀಶ್‌ ಮೂಡಬಿದ್ರೆ ಪುಣೆ