ಬೋಂಬೆ ಸ್ಕೌಟ್‌ ಉತ್ಸವದಲ್ಲಿ  ಸಾಧಕರಿಗೆ ಸಮ್ಮಾನ

Team Udayavani, Nov 9, 2017, 3:11 PM IST

ಮುಂಬಯಿ: ಮದರ್‌ ಇಂಡಿಯಾ ಫ್ರಿ ನೈಟ್‌ ಹೈಸ್ಕೂಲ್‌ ಹಳೆ ವಿದ್ಯಾರ್ಥಿ ಸಂಘ ಮತ್ತು ಜನತಾ ಶಿಕ್ಷಣ ಸಂಘದ 19ನೇ ಈಸ್ಟ್‌ ಬೋಂಬೆ ಸ್ಕೌಟ್‌ ಉತ್ಸವವು ನ.5 ರಂದು ಸಾಂತಾಕ್ರೂಜ್‌ ಪೂರ್ವದ ಬಿಲ್ಲವ ಭವನದಲ್ಲಿ ವೈವಿಧ್ಯಮಯ ಕಾರ್ಯಕ್ರಮಗಳೊಂದಿಗೆ ಜರಗಿತು.

ಮದರ್‌ ಇಂಡಿಯಾ ಫ್ರಿ ನೈಟ್‌ ಹೈಸ್ಕೂಲ್‌ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ, ಸಾಯಿಕೇರ್‌ ಲಾಜಿಸ್ಟಿಕ್ಸ್‌ ಲಿಮಿಟೆಡ್‌ ಇದರ ಮುಖ್ಯ ಆಡಳಿತ ನಿರ್ದೇಶಕ ಸುರೇಂದ್ರ ಎ. ಪೂಜಾರಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಮಾರಂಭದಲ್ಲಿ ಸ್ಕೌಟ್‌ ಅಧ್ಯಾಪಕರಾದ ಗೋಪಾಲ್‌ ಕಾಂಚನ್‌ ಮತ್ತು ಕೆ. ಬಿ. ಪಾಲನ್‌ ಹಾಗೂ ಸ್ಕೌಟ್‌ನಲ್ಲಿ ರಾಷ್ಟ್ರಪತಿ ಪದಕ ಪಡೆದಿರುವ ನಾಗೇಶ್‌ ನಾಯಕ್‌, ಶುಭಾನಂದ ಹೆಗ್ಡೆ, ಚಂದ್ರಹಾಸ ಎ. ಶೆಟ್ಟಿ, ಸುರೇಂದ್ರ ಎ. ಪೂಜಾರಿ, ಅಶೋಕ್‌ ಮೆಂಡನ್‌, ಆನಂದ ಶೆಟ್ಟಿ ಮತ್ತು ಮಹಾಬಲ ದೇವಾಡಿಗ ಅವರನ್ನು ಶಾಲು ಹೊದೆಸಿ, ಫಲಪುಷ್ಪ, ಸ್ಮರಣಿಕೆ, ಸಮ್ಮಾನ ಪತ್ರವನ್ನಿತ್ತು ಗಣ್ಯರ ಸಮ್ಮುಖದಲ್ಲಿ ಸಮ್ಮಾನಿಸಿ ಗೌರವಿಸಲಾಯಿತು.

ಸಮಾರಂಭದ ವೇದಿಕೆಯಲ್ಲಿ ಬಿಲ್ಲವರ ಅಸೋಸಿಯೇಶನ್‌ ಅಧ್ಯಕ್ಷ ನಿತ್ಯಾನಂದ ಡಿ. ಕೋಟ್ಯಾನ್‌, ಬಿಲ್ಲವ ಛೇಂಬರ್‌ ಆಫ್‌ ಕಾಮರ್ಸ್‌ ಅಧ್ಯಕ್ಷ ಎನ್‌. ಟಿ. ಪೂಜಾರಿ, ಶೀಫ್‌ ಟಾಲ್ಕ್ ಫುಡ್‌ ಹಾಸ್ಪಿಟಾಲಿಟಿ ಪ್ರೈವೇಟ್‌ ಲಿಮಿಟೆಡ್‌ನ‌ ಆಡಳಿತ ನಿರ್ದೇಶಕ ಗೋವಿಂದ ಪೂಜಾರಿ,  ಹರೇ ಕೃಷ್ಣಫೌಂಡೇಷನ್‌ ಟ್ರಸ್ಟಿ ಕರುಣಾಕರ ಜಿ. ಪುತ್ರನ್‌,  ಉದ್ಯಮಿಗಳಾದ ಸಂತೋಷ್‌ ಕುಮಾರ್‌ ಶೆಟ್ಟಿ, ಸದಾಶಿವ ಶೆಟ್ಟಿ, ಪದಾಧಿಕಾರಿಗಳಾದ ಸುಂದರ ಮೊಲಿ, ಯಶವಂತ ಪೂಜಾರಿ, ನಾಗೇಶ್‌ ನಾಯಕ್‌, ಟಿ. ವಿ. ಪೂಜಾರಿ, ಜಯ ಸಿ.ಪೂಜಾರಿ, ಜಯರಾಮ ಪೂಜಾರಿ, ಚಂದ್ರಹಾಸ ಬೆಳ್ಚಡ, ಮಂಜುನಾಥ ಪೂಜಾರಿ, ಸದಾನಂದ ಶೆಟ್ಟಿ, ಮಲ್ಲಿಕಾ ರಮೇಶ್‌ ಪೂಜಾರಿ, ಮಹಾಬಲ ಹೆಗ್ಡೆ, ಸ್ಕೌಟ್‌ ಕ್ಷೇತ್ರದಲ್ಲಿ ಗಮನೀಯ ಸಾಧನೆಗೈದ ರಾಮದಾಸ್‌ ಎಚ್‌. ನಾಯಕ್‌, ಮುದ್ದು ಅಂಚನ್‌, ಮಂದಾರ ಹೆಗ್ಡೆ, ಹರೀಶ್‌ ಜಿ. ಮೆಂಡನ್‌, ಲೇಖಕ ಅಶೋಕ್‌ ಸುವರ್ಣ ಉಪಸ್ಥಿತರಿದ್ದರು. 

ಚಿತ್ರ-ವರದಿ: ರಮೇಶ್‌ ಅಮೀನ್‌