ಧಾರ್ಮಿಕ ಸ್ವಾತಂತ್ರ್ಯಕ್ಕಾಗಿ ಅಮೆರಿಕ ಅನುದಾನ!

Team Udayavani, Nov 10, 2017, 6:35 AM IST

ವಾಷಿಂಗ್ಟನ್‌: ಕುತೂಹಲದ ಬೆಳವಣಿಗೆಯೊಂದರಲ್ಲಿ ಅಮೆರಿಕ ಸರಕಾರ, ಭಾರತದ ಧಾರ್ಮಿಕ ಅಸಹಿಷ್ಣುತೆಯನ್ನು ನಿವಾರಿಸುವ ಪ್ರಯತ್ನ ಮಾಡುವ ಭಾರತದ ಕೆಲ ಸರ್ಕಾರೇತರ ಸಂಸ್ಥೆಗಳಿಗೆ (ಎನ್‌ಜಿಒ) ಸುಮಾರು 5 ಲಕ್ಷ ಅಮೆರಿಕನ್‌ ಡಾಲರ್‌ (ಅಂದಾಜು 3.25 ಕೋಟಿ ರೂ.) ಧನಸಹಾಯ ಮಾಡುವುದಾಗಿ ಘೋಷಿಸಿದೆ.

ಈ ಬಗ್ಗೆ ಅಧಿಕೃತ ಪ್ರಕಟಣೆ ನೀಡಿರುವ ಅಮೆರಿಕದ ಬ್ಯೂರೋ ಆಫ್ ಡೆಮಾಕ್ರಸಿ, ಹ್ಯೂಮನ್‌ ರೈಟ್ಸ್‌ ಆ್ಯಂಡ್‌ ಲೇಬರ್‌ ಇಲಾಖೆ, ಭಾರತದಲ್ಲಿ ಸಾಮಾಜಿಕ ಅಸಹಿಷ್ಣುತೆ, ಧರ್ಮ ಆಧಾರಿತ ಹಿಂಸೆ, ತಾರತಮ್ಯ ತಡೆಗಟ್ಟಿ, ಧಾರ್ಮಿಕ ಸ್ವಾತಂತ್ರ್ಯ ಸ್ಥಾಪಿಸಲು ಶ್ರಮಿಸುವ ಎನ್‌ಜಿಒಗಳಿಗೆ 4,93,827 ಡಾಲರ್‌ಗಳ ಅನುದಾನ ನೀಡಲಾಗುವುದು’ ಎಂದಿದೆ. 

ಕೇಂದ್ರದ ತಾಕೀತು: ಎನ್‌ಜಿಒಗಳಿಗೆ ಅಮೆರಿಕದ ಅನುದಾನ ಕುರಿತು ಪ್ರತಿಕ್ರಿಯಿಸಿರುವ ವಿದೇಶಾಂಗ ಇಲಾಖೆಯ ವಕ್ತಾರ ರವೀಶ್‌ ಕುಮಾರ್‌, ಭಾರತದಲ್ಲಿ ಧಾರ್ಮಿಕ ಸ್ವಾತಂತ್ರ್ಯ ತರುವಲ್ಲಿ ಅಮೆರಿಕದಿಂದ ಅನುದಾನ ಪಡೆಯಲಿರುವ ಎನ್‌ಜಿಒಗಳು, ಈ ನೆಲದ ಕಾನೂನಿನ್ವಯವೇ ಕೆಲಸ ಮಾಡಬೇಕು ಎಂದು ತಾಕೀತು ಮಾಡಿದ್ದಾರೆ.