ಅಂತರಿಕ್ಷದಲ್ಲೊಂದು ದೇಶ!

Team Udayavani, Nov 15, 2017, 6:50 AM IST

ವಾಷಿಂಗ್ಟನ್‌: ಭೂಮಿ ಯನ್ನು ಬಿಟ್ಟು ಅನ್ಯಗ್ರಹದಲ್ಲೋ, ಬಾಹ್ಯಾಕಾಶ ದಲ್ಲೋ ಜೀವಿಸಬೇಕೆಂಬ ಮಾನವನ ಆಸೆ ದಿನೇ ದಿನೇ ಪ್ರಬಲ ವಾಗುತ್ತಿದೆ. ಇದರ ಫ‌ಲವಾ ಗಿಯೇ, ಅಸ್ಗಾಡಿಯಾ ಎಂಬ ಮೊತ್ತ ಮೊದಲ ಬಾಹ್ಯಾಕಾಶ ದೇಶವೊಂದು ಅಸ್ತಿತ್ವಕ್ಕೆ ಬಂದಿದೆ! 

ವರ್ಜೀನಿಯಾದಲ್ಲಿರುವ ಅಮೆ ರಿಕ ಬಾಹ್ಯಾಕಾಶ ಸಂಶೋಧನಾ ಕೇಂದ್ರ (ನಾಸಾ)ದ ವ್ಯಾಲಾಪ್ಸ್‌ ಫ್ಲೈಟ್‌ ಫೆಸಿಲಿಟಿ ಕೇಂದ್ರದ ಮೂಲಕ “ಅಸ್ಗಾಡಿಯಾ 1 – ದ ಸ್ಪೇಸ್‌ ಕಿಂಗ್‌ಡಂ’ ಎಂಬ ಉಪ ಗ್ರಹವನ್ನು ಯಶಸ್ವಿ ಯಾಗಿ ಉಡಾವಣೆ ಮಾಡ ಲಾಗಿದೆ. ಈ ಉಪಗ್ರಹ ಬಾಹ್ಯಾ ಕಾಶದಲ್ಲಿ ಸುತ್ತುತ್ತಾ, ಅಸ್ಗಾಡಿಯಾ ದೇಶ ಇರಬಹುದಾದ ಗಡಿಯನ್ನು ಗುರುತಿಸಲಿದೆ! ಈಗಾಗಲೇ, ಈ ದೇಶದ ಪೌರತ್ವಕ್ಕಾಗಿ ಸುಮಾರು 3 ಲಕ್ಷ ಮಂದಿ ಆನ್‌ಲೈನ್‌ ಮೂಲಕ ಅರ್ಜಿಯನ್ನೂ ಹಾಕಿದ್ದಾರೆ.

ಪರಿಕಲ್ಪನೆ ಯಾರದ್ದು? 
ದೇಶಗಳು, ಗಡಿಗಳು, ಯುದ್ಧಗಳು, ನೂರಾರು ಕಾಯ್ದೆ ಕಟ್ಟಲೆಗಳು, ತೆರಿಗೆಗಳು ಇತ್ಯಾದಿ ಜಂಜಾಟಗಳನ್ನು ಬಿಟ್ಟು ಹಾಯಾಗಿ ಭೂಮಿಯಿಂದಲೇ ದೂರ ಹೋಗಿ ಜೀವಿಸುವ ಸಂಕಲ್ಪ- ಪರಿಕಲ್ಪನೆ ಗಳೊಂದಿಗೆ ಅಸಾYಡಿಯಾ ದೇಶವನ್ನು ಸ್ಥಾಪಿಸಲು ಐಗರ್‌ ಅಶುರ್ಬೆಲಿ ಎಂಬ ಆಸ್ಟ್ರಿಯಾದ ವಿಜ್ಞಾನಿಯ ನೇತೃತ್ವದ ತಂಡವೊಂದು ಈ ಪ್ರಯತ್ನಕ್ಕೆ 
ಕೈಹಾಕಿದೆ.

ಮುಂದಿನ ಯೋಜನೆ!
ಬಾಹ್ಯಾಕಾಶದಲ್ಲಿ ಹೋಗಿ ಮನುಷ್ಯ ಆಯುಷ್ಯ ಪೂರ್ತಿ ಜೀವಿಸುವುದು ಸದ್ಯದ ಮಟ್ಟಿಗೆ ಅಸಾಧ್ಯದ ಸಂಗತಿಯಾಗಿದೆ. ಆದರೂ ಮುಂದೊಂದು ದಿನ ಇದು ಸಾಧ್ಯವಾದರೆ ಆಗ ಅಸ್ಗಾಡಿಯಾ ದೇಶದ ಅಸ್ತಿತ್ವಕ್ಕೆ ಮಾನ್ಯತೆ ಸಿಗುತ್ತದೆ ಎಂಬುದು ಅದರ ಸೃಷ್ಟಿಕರ್ತರ ನಂಬಿಕೆ.