ಭವಿಷ್ಯದ ಯುದ್ಧ ಅಸಾಂಪ್ರದಾಯಿಕ

Team Udayavani, Nov 16, 2017, 12:00 PM IST

ನವದೆಹಲಿ: ಮುಂದಿನ ದಿನಗಳಲ್ಲಿ ಭಾರತವು ಚೀನಾ ಹಾಗೂ ಪಾಕಿಸ್ತಾನಗಳ ಜತೆ ಏಕಕಾಲದಲ್ಲಿ ಹೋರಾಡಬೇಕಾದ ಪರಿಸ್ಥಿತಿ ತಲೆದೋರಬಹುದೆಂದು ಭೂಸೇನಾ ಮುಖ್ಯಸ್ಥ ಜ. ಬಿಪಿನ್‌ ರಾವತ್‌ ಮುನ್ಸೂಚನೆ ನೀಡಿದ್ದಾರೆ.

ಬುಧವಾರ ಕಾರ್ಯಕ್ರಮವೊಂದರ‌ಲ್ಲಿ ಮಾತನಾಡಿದ ಅವರು, “”ಭಾರತದ ಭವಿಷ್ಯದ ಯುದ್ಧಗಳು ಈಗಿನಂತೆ ಸಾಂಪ್ರದಾಯಿಕ ಆಗಿರುವುದಿಲ್ಲ. ಏಕಕಾಲದಲ್ಲಿ ಉತ್ತರ ಹಾಗೂ ಪಶ್ಚಿಮ ದಿಕ್ಕುಗಳ ವಿರುದ್ಧ ಹೋರಾಡಬಹುದಾದ ಪ್ರಮೇಯ ಒದಗಿಬರಬಹುದು” ಎಂದ ಅವರು ಚೀನಾ, ಪಾಕಿಸ್ತಾನದ ಹೆಸರು ಉಲ್ಲೇಖೀ ಸದೇ ನುಡಿದರು. ಇದಲ್ಲದೆ, ಸಂಕೀರ್ಣ ಯುದ್ಧಗಳ ವೇಳೆ ಅತ್ಯಾಧುನಿಕ ತಂತ್ರಗಾರಿಕೆಯನ್ನೂ ಅನುಸರಿಸುವ ಅಗತ್ಯವಿದೆ ಎಂದ ಅವರು, ಶಸ್ತ್ರಾಸ್ತ್ರಗಳ  ಜತೆ ಉಪಗ್ರಹ ಸಂವಹನ, ಯುದ್ಧಭೂಮಿಯಲ್ಲಿನ ಸೈನಿಕರಿಗೆ ಸೂಚನೆ ರವಾನಿಸಲು ಇಂಟರ್ನೆಟ್‌ ಮತ್ತಿತರ ಅತ್ಯಾಧು ನಿಕ ಸಂಪರ್ಕ ಸಾಧನ ಬಳಸುವ ಅವಶ್ಯಕತೆ ತಲೆದೋರಲಿದೆ ಎಂದು ತಿಳಿಸಿದ್ದಾರೆ.