ಜೈಷ್‌ ಉಗ್ರರ ಹಿಟ್‌ ಲಿಸ್ಟ್‌ನಲ್ಲಿ ಬಿಜೆಪಿ ಪ್ರಭಾವಿ ನಾಯಕರು!

Team Udayavani, Nov 22, 2017, 1:39 PM IST

ಹೊಸದಿಲ್ಲಿ : ಪಾಕ್‌ ಮೂಲದ ಉಗ್ರ ಸಂಘಟನೆ ಜೈಷ್‌- ಇ -ಮೊಹಮದ್‌ ಹಿಟ್‌ ಲಿಸ್ಟ್‌ನಲ್ಲಿ ಬಿಜೆಪಿ ನಾಯಕರು ಮತ್ತು ಕೆಲ ಕೇಂದ್ರ ಸಚಿವರು ಇರುವ ಬಗ್ಗೆ ವರದಿಯಾಗಿದೆ.

ಜೆಇಎಮ್‌ ಮುಖಂಡ ಮಸೂದ್‌ ಅಜರ್‌ ರಾಜಕಾರಣಿಗಳನ್ನು ಗುರಿಯಾಗಿರಿಸಿಕೊಂಡು ದಾಳಿ ನಡೆಸಲು ವಿಶೇಷ ಉಗ್ರರ ಪಡೆಯೊಂದನ್ನು ಸಿದ್ದಪಡಿಸಿದ್ದಾನೆ ಎಂದು ವರದಿಯಾಗಿದೆ.

ಭಾರತೀಯ ಭದ್ರತಾ ಅಧಿಕಾರಿಗಳು ಈಗಾಗಲೆ ಈ ಬಗ್ಗೆ ಕಟ್ಟೆಚ್ಚರ ವಹಿಸಿ  ತನಿಖೆ ಆರಂಭಿಸಿದ್ದಾರೆ.

ಜೆಇಎಮ್‌  ಲಷ್ಕರ್‌-ಇ-ತೋಯ್ಬಾ  ಉಗ್ರರೊಂದಿಗೆ ಜಂಟಿಯಾಗಿ ವಿಧ್ವಂಸಕ ಕೃತ್ಯಗಳನ್ನು ನಡೆಸಲು ಸಿದ್ಧತೆ ನಡೆಸಿದ್ದು, ಈ ಕುರಿತು ಬಾಂಗ್ಲಾದೇಶದಲ್ಲಿ ತಳಮಟ್ಟದಲ್ಲಿ ಕಾರ್ಯಾಚರಣೆ ಆರಂಭಿಸಿರುವ ಬಗ್ಗೆಯೂ ವರದಿಯಾಗಿದೆ.

ಈಗಾಗಲೇ ಬಾಂಗ್ಲಾ ಮೂಲಕ ಕೆಲ ಉಗ್ರರು ಬಾಂಗ್ಲಾ ಗಡಿ ನುಸುಳಿರುವ ಬಗ್ಗೆಯೂ ಶಂಕೆ ವ್ಯಕ್ತಪಡಿಸಲಾಗಿದೆ. 

ಮಸೂದ್‌ ಅಜರ್‌ನ ಸೋದರಳಿಯನನ್ನು ಸೇನಾಪಡೆಗಳು ಪುಲ್ವಾಮಾದಲ್ಲಿ ಹತ್ಯೆಗೈದ ಬಳಿಕ ಈ ಮಾಹಿತಿ ಬಹಿರಂಗವಾಗಿದೆ.