ನನಗೆ ವೋಟ್‌ ಮಾಡಲು ಮರೆಯಬೇಡಿ!

Team Udayavani, Nov 26, 2017, 11:15 AM IST

ಮನು ಬಳಿಗಾರ್‌ ಅವರ ಅಧಿಕಾರಾವಧಿ ಇನ್ನೂ ಒಂದು ವರ್ಷವಿದೆ. ಎರಡನೇ ಅವಧಿಗೆ ಸಾಹಿತ್ಯ ಪರಿಷತ್‌ನ ಅಧ್ಯಕ್ಷನಾಗಲು ನನಗೆ ಆಸಕ್ತಿಯಿಲ್ಲ ಎಂದು ಅವರು ಈಗಾಗಲೇ ಸ್ಪಷ್ಟಪಡಿಸಿದ್ದಾರೆ. ಮತ್ತೂಂದು ಕಡೆಯಲ್ಲಿ “ಅಯ್ಯೋ ಈಗ ಸಾಹಿತ್ಯ ಪರಿಷತ್‌ನ ಅಧ್ಯಕ್ಷರಾಗುವುದು ಅಂದ್ರೆ ಸುಮ್ನೆ ಅಲ್ಲ.

ಈಗ ಸಾಹಿತ್ಯ ಪರಿಷತ್‌ನ ಅಧ್ಯಕ್ಷರಾಗಲೂ ವಿಪರೀತ ಖರ್ಚು ಮಾಡಬೇಕಾಗುತ್ತೆ’ ಎಂದು ಹಲವರು ಬೇಸರದಿಂದ ಹೇಳುತ್ತಾರೆ. ಸಂದರ್ಭ ಹೀಗಿರುವಾಗಲೇ 2019ರಲ್ಲಿ ನಡೆವ ಕಸಾಪ ಚುನಾವಣೆಯಲ್ಲಿ ಗೆದ್ದೇ ತೀರಬೇಕು ಎಂದು ನಿರ್ಧರಿಸಿರುವ ವ್ಯಕ್ತಿಯೊಬ್ಬರು “ನನಗೆ ವೋಟ್‌ ಮಾಡಲು ಮರೆಯಬೇಡಿ’ ಎಂದು ಈಗಾಗಲೇ ಮತಯಾಚನೆಗೆ ಆರಂಭಿಸಿಬಿಟ್ಟಿದ್ದಾರೆ.

ಅವರೇ ಮಹೇಶ್‌ ಜೋಶಿ! ಈ ಹಿಂದೆ ದೂರದರ್ಶನದ ನಿರ್ದೇಶಕರಾಗಿದ್ದ ಜೋಶಿ, ತಮ್ಮ ಬೆಂಬಲಿಗರೊಂದಿಗೆ ಸಮ್ಮೇಳನದುದ್ದಕ್ಕೂ ನಗುನಗುತ್ತಾ, ಕೈ ಮುಗಿಯುತ್ತಾ ಹೋಗುತ್ತಿದ್ದರೆ ಅವರ ಹಿಂಬಾಲಕರು “ನನಗೆ ವೋಟ್‌ ಮಾಡಲು ಮರೆಯಬೇಡಿ’ ಎಂಬ ಸಂದೇಶವಿದ್ದ ಕರಪತ್ರಗಳನ್ನು ಹಂಚುವುದರಲ್ಲಿ ಬ್ಯುಸಿಯಾಗಿದ್ದರು.