ಸಂಚಾರದಟ್ಟಣೆ ನಿವಾರಣೆಗೆ ಆಗ್ರಹಿಸಿ ಪ್ರತಿಭಟನೆ

Team Udayavani, Nov 29, 2017, 11:35 AM IST

ಕೆ.ಆರ್‌.ಪುರ: ವಿಜ್ಞಾನನಗರ ವಾರ್ಡ್‌ನ ಪಿಡಬ್ಲ್ಯೂಡಿ ಮುಖ್ಯರಸ್ತೆಯಲ್ಲಿ ಉಂಟಾಗುತ್ತಿರುವ ಸಂಚಾರದಟ್ಟಣೆ ನಿವಾರಿಸುವಂತೆ ಆಗ್ರಹಿಸಿ ಅಕಾಶನಗರ ರೆಸಿಡೆನ್ಸಿ ನಿವಾಸಿಗಳು ಹಾಗೂ ಸ್ವಯಂ ಪ್ರೇರಿತವಾಗಿ ನೂರಕ್ಕೂ ಹೆಚ್ಚು ಅಂಗಡಿಗಳನ್ನು ಮುಚ್ಚಿ ಮಂಗಳವಾರ ಪ್ರತಿಭಟನೆ ನಡೆಸಿದರು.

ವಿಜಾnನ ನಗರ ವಾರ್ಡ್‌ನ ಪಿಡಬ್ಲ್ಯೂಡಿ  ಮುಖ್ಯರಸ್ತೆಯು ಟಿನ್‌ ಫ್ಯಾಕ್ಟರಿ ಕೆಆರ್‌ ಪುರ, ಮಹದೇವಪುರ ಮತ್ತು ಎಚ್‌ಎಎಲ್‌ ಸಂಪರ್ಕ ಕಲ್ಪಿಸುವುದರಿಂದ ನಿತ್ಯ ಸಾವಿರಾರು ವಾಹನಗಳು ಸಂಚರಿಸುತ್ತವೆ, ಸಂಚಾರದಟ್ಟಣೆ ಹೆಚ್ಚಾಗಿದ್ದು ತೀವ್ರ ತೊಂದರೆಯಾಗುತ್ತಿದೆ ಎಂದು ಸ್ಥಳೀಯರು ಆರೋಪಿಸಿ ಪಿಡಬ್ಲ್ಯೂಡಿ ಮುಖ್ಯರಸ್ತೆ ಬಳಿ ಜಮಾಯಿಸಿ ಪ್ರತಿಭಟನೆ ನಡೆಸಿದರು.

ಪಾಲಿಕೆ ಸದಸ್ಯ ಎಸ್‌.ಜಿ. ನಾಗರಾಜ್‌ ಮಾತನಾಡಿ, ಟಿನ್‌ ಫ್ಯಾಕ್ಟರಿ ಜಂಕ್ಷನ್‌ನಲ್ಲಿ ಉಂಟಾಗುವ ಸಂಚಾರ ದಟ್ಟಣೆ ಸಮಸ್ಯೆಯಿಂದ ತಪ್ಪಿಸಿಕೊಳ್ಳಲು ಈ ಮಹದೇವಪುರ ವರ್ತುಲ ರಸ್ತೆ ಮುಖೇನ ಬೆಂಳ್ಳದೂರು, ಮಾರತ್ತಹಳ್ಳಿ, ಕೆಆರ್‌ ಪುರ, ಎಚ್‌.ಎ.ಎಲ್‌ ಹಾಗೂ ನಗರಕ್ಕೆ ತೆರಳುವ ಟ್ಯಾಕ್ಸಿ, ಕಾಲ್‌ ಸೆಂಟರ್‌ ವಾಹನಗಳು ಸೇರಿದಂತೆ ಸಾವಿರಾರು ವಾಹನಗಳು ಮಾರ್ಗ ಬದಲಾಯಿಸಿ ಪಿಡಬ್ಲ್ಯೂಡಿ  

ಮುಖ್ಯರಸ್ತೆಯಲ್ಲಿ ಸಂಚರಿಸುವುದರಿಂದ ವಯೋವೃದ್ಧರು, ಶಾಲಾ ವಿದ್ಯಾರ್ಥಿಗಳು ಇಲ್ಲಿನ ಸಂಚರಿಸಲು ಸಾಧ್ಯವಾಗುತ್ತಿಲ್ಲ, ಸಂಚಾರ ದಟ್ಟಣೆಯಿಂದ ಆಗುತ್ತಿರುವ ಸಮಸ್ಯೆಯನ್ನು ಬಗೆಹರಿಸುವಂತೆ ಕೆಆರ್‌ ಪುರ ಸಂಚಾರಿ ಪೊಲೀಸ್‌ ಠಾಣೆಯ ವೃತ್ತನಿರೀಕ್ಷಕ ಸಂಜೀವರಾಯಪ್ಪ ಮತ್ತು ಎಸಿಪಿ ಕಾಸೀಂ ಅವರಿಗೆ ಪತ್ರ ಬರೆದರೂ ಪ್ರಯೋಜವಾಗಿಲ್ಲ ಎಂದು ದೂರಿದರು.