ಡಿಪಿಎಲ್‌ 2017: ಕ್ರಿಕೆಟ್‌ ಪಂದ್ಯಾಟ

Team Udayavani, Dec 5, 2017, 4:41 PM IST

ಮುಂಬಯಿ: ದೇವಾಡಿಗ ವೆಲ್ಫೇರ್‌ ಅಸೋಸಿಯೇಶನ್‌ ಮುಂಬಯಿ ಇದರ ವಾರ್ಷಿಕ ಕ್ರೀಡೋತ್ಸವ ಮತ್ತು ಡಿಪಿಎಲ್‌-2017 ಕ್ರಿಕೆಟ್‌ ಪಂದ್ಯಾಟವು  ನ. 26 ರಂದು ಮಾಟುಂಗಾ ಖಾಲ್ಸಾ ಕಾಲೇಜ್‌ ಮೈದಾನದಲ್ಲಿ ನಡೆಯಿತು.

ಇದೇ ಸಂದರ್ಭದಲ್ಲಿ ನಡೆದ ಆಕರ್ಷಕ ಡಿಪಿಎಲ್‌- 2017 ಕ್ರಿಕೆಟ್‌ ಪಂದ್ಯಾಟದ ಫೈನಲ್‌ ಪಂದ್ಯದಲ್ಲಿ ಗಣೇಶ್‌ ದೇವಾಡಿಗ ನೇತೃತ್ವದ ರೈಸಿಂಗ್‌ ಇಲೆವೆನ್‌ ತಂಡ ಚಾಂಪಿಯನ್‌ ಆಗಿ ಹೊರಹೊಮ್ಮಿದರೆ, ಸುಧೀರ್‌  ಬಿಜೂರು ನೇತೃತ್ವದ ಬಿಜೂರ್‌ ಫ್ರೆಂಡ್ಸ್‌ ತಂಡ ರನ್ನರ್‌ ಅಪ್‌ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿತು. ಕ್ರಿಕೆಟ್‌ ಪಂದ್ಯಾಟದ ತೀರ್ಪುಗಾರರಾಗಿ ಸಹಕರಿಸಿದ ದಾರ ದೇವಾಡಿಗ ಹಾಗೂ ಹರೀಶ್‌ ಉಪ್ರಳ್ಳಿ ಇವರನ್ನು ಸಂಘದ ಪರವಾಗಿ ಅಭಿನಂದಿಸಲಾಯಿತು.

ದೇವಾಡಿಗ ವೆಲ್ಫೆàರ್‌ ಅಸೋಸಿಯೇಶನ್‌ ಮುಂಬಯಿ ಇದರ ಗೌರವಾಧ್ಯಕ್ಷ ಸುರೇಶ್‌ ಡಿ. ಪಡುಕೋಣೆ, ಸಂಘದ ಗೌರವ ಉಪ ಕಾರ್ಯಾಧ್ಯಕ್ಷ ನಾಗರಾಜ್‌ ಡಿ. ಪಡುಕೋಣೆ, ಸಂಘದ ಅಧ್ಯಕ್ಷರಾದ ಸುಬ್ಬ ಜಿ. ದೇವಾಡಿಗ, ಉಪಾಧ್ಯಕ್ಷರಾದ ಎನ್‌. ಎನ್‌.  ದೇವಾಡಿಗ, ಗೌರವ ಪ್ರಧಾನ  ಕಾರ್ಯದರ್ಶಿ  ಬಿ. ಎಂ. ದೇವಾಡಿಗ, ಸಂಘದ ಮಾಜಿ ಅಧ್ಯಕ್ಷರಾದ ಎಸ್‌. ವಿ. ದೇವಾಡಿಗ, ಮಹಿಳಾ ವಿಭಾಗದ ಅಧ್ಯಕ್ಷೆ ಸೀತಾ ಎಂ. ದೇವಾಡಿಗ, ಉಪಾಧ್ಯಕ್ಷೆ ಸುಶೀಲಾ ಎಸ್‌. ದೇವಾಡಿಗ, ಕ್ರೀಡಾ ವಿಭಾಗದ ಅಧ್ಯಕ್ಷ  ರವೀಂದ್ರ ದೇವಾಡಿಗ, ಯುವ ವಿಭಾಗದ ಅಧ್ಯಕ್ಷ  ಉಮೇಶ್‌ ಆರ್‌. ದೇವಾಡಿಗ ಮೊದಲಾದವರು ಉಪಸ್ಥಿತರಿದ್ದರು. ಸಂಸ್ಥೆಯ ಪದಾಧಿಕಾರಿಗಳು, ಕಾರ್ಯಕಾರಿ ಸಮಿತಿಯ ಸದಸ್ಯರು, ಯುವ ವಿಭಾಗ, ಮಹಿಳಾ ವಿಭಾಗದವರು ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸಿದರು.