ವಿಜೃಂಭಣೆಯ ನೆಲ್ಲಿತಟ್ಟು ಗುಹಾ ತೀರ್ಥಸ್ನಾನ

Team Udayavani, Dec 6, 2017, 12:10 PM IST

 ಅಡೂರು: ಕಾಸರಗೋಡು ತಾಲೂಕು ಅಡೂರು ಗ್ರಾಮದ ನೆಲ್ಲಿತಟ್ಟು ಗುಹಾ ತೀರ್ಥ ಸ್ನಾನವು ವಿವಿಧ ಕಾರ್ಯಕ್ರಮಗಳೊಂದಿಗೆ ಜರಗಿತು. ನೆಲ್ಲಿತಟ್ಟು ಗುಹಾ ತೀರ್ಥ ಸ್ನಾನ ಕಾರ್ಯಕ್ರಮದಲ್ಲಿ ಭಾರೀ ಸಂಖ್ಯೆಯಲ್ಲಿ ಭಕ್ತಾದಿಗಳು ಭಾಗವಹಿಸಿದರು.  

ಶ್ರೀ ಮಹಾವಿಷ್ಣು ದೇವರ ಸನ್ನಿಧಿಯಲ್ಲಿ ಪ್ರಾರ್ಥನೆ ಮಾಡಿ ಗುಹಾಪ್ರವೇಶ ಮಾಡಲಾಯಿತು. ಗುಹಾದ್ವಾರದಲ್ಲಿ ಮಹಾಗಣಪತಿ ಪ್ರಾರ್ಥನೆಯೊಂದಿಗೆ ಗುಹಾಪ್ರವೇಶ. ಗುಹೆಯ ಒಳಗೆ ಶ್ರೀ ಮಹಾಗಣಪತಿ ದೇವರ ಪೂಜೆಯ ಅನಂತರ ತೀರ್ಥ ಸ್ನಾನ. ತೀರ್ಥ ಸ್ನಾನದ ಬಳಿಕ ದೇವಸ್ಥಾನಕ್ಕೆ ಅರ್ಚಕರು ತೀರ್ಥದೊಂದಿಗೆ ಪಯಣಿಸಿದರು. ಭಕ್ತಾದಿಗಳಿಗೆ ತೀರ್ಥ ಸ್ನಾನದ ಬಳಿಕ ಗಣಪತಿ ದೇವರ ಪ್ರಸಾದ ವಿತರಣೆ ನಡೆಯಿತು. ಪ್ರಸಾದ ವಿತರಣೆಯ ನಂತರ ದೇವಸ್ಥಾನಕ್ಕೆ ಪಯಣ. ಶ್ರೀ ನೆಲ್ಲಿತಟ್ಟು ಮಹಾವಿಷ್ಣು ದೇವರ ಮಹಾಪೂಜೆಯ ನಂತರ ತೀರ್ಥ ಪ್ರಸಾದ ಹಾಗೂ ಭಕ್ತಾದಿಗಳಿಗೆ ಪ್ರಸಾದ ಭೋಜನ ಜರಗಿತು.