ಅಂಜನಿಪುತ್ರನಿಗೆ “ಯು/ಎ’;ಗುರುವಾರ ಬಿಡುಗಡೆ

Team Udayavani, Dec 17, 2017, 2:23 PM IST

ಪುನೀತ್‌ ರಾಜಕುಮಾರ್‌ ಅಭಿನಯದ “ಅಂಜನಿಪುತ್ರ’ ಚಿತ್ರವನ್ನು ನೋಡಿರುವ ಪ್ರಾದೇಶಿಕ ಸೆನ್ಸಾರ ಮಂಡಳಿಯು, ಚಿತ್ರಕ್ಕೆ “ಯು/ಎ’ ಪ್ರಮಾಣ ಪತ್ರ ನೀಡಿದೆ. ಹರ್ಷ ನಿರ್ದೇಶನದ ಈ ಚಿತ್ರ ಡಿ.21 ರ ಗುರುವಾರದಂದು ಬೆಂಗಳೂರಿನ ತ್ರಿವೇಣಿ ಸೇರಿದಂತೆ ರಾಜ್ಯಾದ್ಯಂತ 300ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿದೆ.

“ಅಂಜನಿಪುತ್ರ’ ಚಿತ್ರವು ತಮಿಳಿನ “ಪೂಜೈ’ ಚಿತ್ರದ ರಿಮೇಕ್‌ ಆಗಿದ್ದು, ಎನ್‌.ಎಂ.ಕುಮಾರ್‌ ಈ ಚಿತ್ರದ ನಿರ್ಮಾಪಕರು. “ಪೂಜೈ’ ಚಿತ್ರವನ್ನು ಪುನೀತ್‌ ಒಪ್ಪಿಕೊಳ್ಳಲು ಮುಖ್ಯ ಕಾರಣ, ಚಿತ್ರದಲ್ಲಿನ ಫ್ಯಾಮಿಲಿ ಕಂಟೆಂಟ್‌. ಚಿತ್ರದಲ್ಲಿ ಸೆಂಟಿಮೆಂಟ್‌, ಆ್ಯಕ್ಷನ್‌, ಲವ್‌ ಎಲ್ಲವೂ ಇದೆ. ಹರ್ಷ ನಿರ್ದೇಶನ ಅಂದಮೇಲೆ ಇಲ್ಲಿ ಹೊಸ ಮೇಕಿಂಗ್‌ಗೆ ಕೊರತೆ ಇರುವುದಿಲ್ಲ. ಈಗಾಗಲೇ ಅಂತಹ ಮೇಕಿಂಗ್‌ ಪ್ರೋಮೋಗಳು ಸದ್ದು ಮಾಡಿವೆ. ಇನ್ನು ಪುನೀತ್‌ ರಾಜ್‌ಕುಮಾರ್‌ ಅಭಿಮಾನಿಗಳಿಗೆ ಇಲ್ಲಿ ಪಕ್ಕಾ ಮನರಂಜನೆ ಸಿಗಲಿದೆ. ಈ ಚಿತ್ರದಲ್ಲೂ ಪುನೀತ್‌ ಸಖತ್‌ ಸ್ಟೆಪ್‌ ಹಾಕುವ ಮೂಲಕ ಅಭಿಮಾನಿಗಳಿಗೆ ಖುಷಿಕೊಡಲಿದ್ದಾರೆ. 

“ಅಂಜನಿಪುತ್ರ’ ಅದ್ಧೂರಿ ಬಜೆಟ್‌ನ ಚಿತ್ರದ ಜತೆಯಲ್ಲಿ ದೊಡ್ಡ ತಾರಾಬಳಗವನ್ನೂ ಹೊಂದಿದೆ. ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಪುನೀತ್‌ಗೆ ಜೋಡಿ. ಉಳಿದಂತೆ ರಮ್ಯಾ ಕೃಷ್ಣ  ಅವರಿಲ್ಲಿ ಪುನೀತ್‌ರಾಜಕುಮಾರ್‌ ಅವರ ತಾಯಿಯಾಗಿ ನಟಿಸುತ್ತಿದ್ದಾರೆ. ವಿಶೇಷವೆಂದರೆ, ಬಾಲಿವುಡ್‌ನ‌ ಮುಖೇಶ್‌ ತಿವಾರಿ, ಅಖೀಲೇಂದ್ರ ಮಿಶ್ರಾ ಕೂಡ ಖಳನಟರಾಗಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಇಲ್ಲಿ ಸಾಧು ಕೋಕಿಲ, ಚಿಕ್ಕಣ್ಣ, ರವಿಶಂಕರ್‌ ಸೇರಿದಂತೆ ಹಲವರು ನಟಿಸುತ್ತಿದ್ದಾರೆ. ಹರಿಪ್ರಿಯಾ ಚಿತ್ರದ ಹಾಡೊಂದರಲ್ಲಿ ಕಾಣಿಸಿಕೊಂಡಿರುವುದು ವಿಶೇಷ. ಚಿತ್ರಕ್ಕೆ ರವಿ ಬಸೂÅರು ಸಂಗೀತ ಸಂಯೋಜಿಸಿದರೆ, ಸ್ವಾಮಿ ಜೆ ಛಾಯಾಗ್ರಹಣ ಮಾಡಿದ್ದಾರೆ.