ಬೇಡಿಕೆ ಈಡೇರಿಕೆಗೆ ಸಿಪಿಎಂನಿಂದ ಮೆರವಣಿಗೆ

Team Udayavani, Dec 18, 2017, 1:35 PM IST

ಹುಣಸೂರು: ನಗರದಲ್ಲಿ ಸಿಪಿಎಂ ಜಿಲ್ಲಾ ಸಮಾವೇಶದ ಅಂಗವಾಗಿ ನಗರದಲ್ಲಿ ವಿವಿಧ ರಸ್ತೆಗಳಲ್ಲಿ ವಿವಿಧ ಸಂಘಟನೆಗಳ ಕಾರ್ಮಿಕರು ಮೆರವಣಿಗೆ ನಡೆಸಿ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿದರು.

ನಗರದ ರಂಗನಾಥ ಬಡಾವಣೆಯಿಂದ ಕೆಂಪು ಬಾವುಟ ಹಿಡಿದ ವಿವಿಧ ಕಾರ್ಖಾನೆಗಳ ಕಾರ್ಮಿಕರು, ಅಂಗನವಾಡಿ, ಬಿಸಿಯಾಟ, ಗ್ರಾಪಂ ನೌಕರರ ಸಂಘದ ಮುಖಂಡರು ಸೇರಿದಂತೆ ನೂರಾರು ಮಂದಿ ಬೆಲೆಗಳು ಇಳಿಯಲಿ, ಕೋಮವಾದ ಬೇಡ, ಎಲ್ಲರ ಮೆಯಲ್ಲೂ ಒಂದೇ ರಕ್ತ, ಕಾರ್ಮಿಕರಿಗೆ ಸಮಾನ ಕೆಲಸಕ್ಕೆ ಸಮಾನ ವೇತನ ಜಾರಿಯಾಗಲಿ ಎಂಬಿತ್ಯಾದಿ ಘೋಷಣೆ ಕೂಗಿದರು.

 ನಗರದ ಕಲ್ಕುಣಿಕೆ ವೃತ್ತದ ಮೂಲಕ ಹಳೇ ಸೇತುವೆ, ರೋಟರಿ ವೃತ್ತ, ಹಳೇ-ಹೊಸ ಬಸ್‌ ನಿಲ್ದಾಣ ಕಲ್ಪತರು ವೃತ್ತ ಸೇರಿದಂತೆ ವಿವಿಧೆಡೆ ಮೆರವಣಿಗೆ ನಡೆಸಿ ನಗರಸಭಾ ಮೈದಾನಕ್ಕೆ ಆಗಮಿಸಿದರು. ಇದೇ ಮೊದಲ ಬಾರಿಗೆ ರೆಡ್‌ ವಾಲೆಂಟಿಯರ್ನ ತಂಡ ಆಕರ್ಷಕ ಬ್ಯಾಂಡ್‌ ಬಾರಿಸಿ ಗಮನ ಸೆಳೆದರು. ನಂತರ ನಗರ ಸಭಾ ಮೈದಾನದಲ್ಲಿ ಮುಕ್ತಾಯಗೊಳಿಸಿದರು.