ಜೆರುಸಲೇಂ: ಅಮೆರಿಕ ವಿರುದ್ಧ ವಿಶ್ವಸಂಸ್ಥೆಯಲ್ಲಿ ಭಾರತ ಮತ

Team Udayavani, Dec 22, 2017, 2:52 PM IST

ವಾಷಿಂಗ್ಟನ್‌ : ಇಸ್ರೇಲ್‌ ರಾಜಧಾನಿಯಾಗಿ ಜೆರುಸಲೇಂ ಗೆ ಮಾನ್ಯತೆ ನೀಡುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ನಿರ್ಧಾರದ ವಿರುದ್ಧ  ವಿಶ್ವಸಂಸ್ಥೆಯಲ್ಲಿ ಮತ ಹಾಕಿರುವ 127 ದೇಶಗಳ ಸಾಲಿಗೆ ಭಾರತವೂ ಸೇರಿದೆ.

9 ದೇಶಗಳು ಠರಾವಿನ ಪರವಾಗಿ ಮತ ಹಾಕಿದರೆ 35 ದೇಶಗಳು ತಮ್ಮ ಮತವನ್ನು ಚಲಾಯಿಸಲಿಲ್ಲ.

ಇಸ್ರೇಲ್‌ ರಾಜಧಾನಿಯಾಗಿ ಜೆರುಸಲೇಂ ಗೆ ಮಾನ್ಯತೆ ನೀಡುವ ಅಮೆರಿಕದ ನಿಲುವನ್ನು ವಿರೋಧಿಸುವ ದೇಶಗಳಿಗೆ ಟ್ರಂಪ್‌ ಎಚ್ಚರಿಕೆ ನೀಡಿದ ಒಂದು ದಿನದ ತರುವಾಯ ಭಾರತ ಈ ನಿರ್ಧಾರವನ್ನು ಕೈಗೊಂಡಿರುವುದು ಗಮನರ್ಹವಾಗಿದೆ.

ಇಸ್ರೇಲ್‌ ರಾಜಧಾನಿಯಾಗಿ ಜೆರುಸಲೇಂ ಗೆ ಮಾನ್ಯತೆ ನೀಡುವ ಅಮೆರಿಕದ ನಿಲುವಿನ ವಿರುದ್ಧ  ನ್ಯೂಯಾರ್ಕ್‌ನಲ್ಲಿನ ಅಸೆಂಬ್ಲಿಯ ಸದನದಲ್ಲಿ ಭಾರತ ಯಾವ ಮಾತನ್ನೂ ಆಡಿಲ್ಲ; ಆದರೆ ಪ್ಯಾಲೆಸ್ತೀನ್‌ ಕುರಿತ ತನ್ನ ನಿಲುವು ಏಕಪ್ರಕಾರದ್ದೂ ಸ್ವತಂತ್ರವೂ ಆದುದಾಗಿದೆ ಎಂದು ಭಾರತ ಹೇಳಿದೆ.