ನ್ಯೂ ಇಯರ್‌ ಪಾರ್ಟಿಗೆ ಹಿಂದೂ ಸಂಘಟನೆಗಳ ಎಚ್ಚರಿಕೆ!!

Team Udayavani, Dec 29, 2017, 10:51 AM IST

ಮಂಗಳೂರು : ಡ್ರಗ್ಸ್‌ ಮಾಫಿಯಾ ಜಿಲ್ಲೆಯಲ್ಲಿ ಅವ್ಯಾಹತವಾಗಿ ನಡೆಯುತ್ತಿದ್ದು ಹೊಸ ವರ್ಷದ ಪಾರ್ಟಿಗಳಲ್ಲಿ ಹಿಂದೂ ಹೆಣ್ಣು ಮಕ್ಕಳನ್ನು ಬಲೆಗೆ ಹಾಕಿಕೊಳ್ಳುವ ಸಂಚು ಹೂಡಲಾಗಿದ್ದು, ಪಾರ್ಟಿಗಳಿಗೆ ಕಡಿವಾಣ ಹಾಕಬೇಕು ಎಂದು ಹಿಂದೂ ಪರ ಸಂಘಟನೆಗಳು ಪೊಲೀಸ್‌ ಕಮಿಷನರ್‌ಗೆ ಮನವಿ ಸಲ್ಲಿಸಿದ್ದಾರೆ. 

‘ಭಜರಂಗದಳ ಮತ್ತು ವಿಶ್ವಹಿಂದೂ ಪರಿಷದ್‌  ಸ್ವೇಚ್ಛಾಚಾರದಿಂದ ಕೂಡಿದ,ಡ್ರಗ್ಸ್‌ ಹಂಚುವ ಅಶ್ಲೀಲ ಪಾರ್ಟಿಗಳಿಗಳ ವಿರುದ್ಧ  ಹೋರಾಟಕ್ಕೆ ಸಜ್ಜಾಗಿದೆ’ ಎಂದು ಜಗದೀಶ್‌ ಶೇಣವ ಅವರು ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ. 

12 ಗಂಟೆಯ ಬಳಿಕ ಪಾರ್ಟಿಗಳಿಗೆ ಅವಕಾಶ ನೀಡಬಾರದು ಎಂದು  ಸಂಘಟನೆಗಳು ಪೊಲೀಸ್‌ ಕಮಿಷನರ್‌ಗೆ ಸಲ್ಲಿಸಿದ ಮನವಿಯಲ್ಲಿ ಕೇಳಿಕೊಂಡಿದ್ದಾರೆ. 

‘ನಾವು ಪಾರ್ಟಿ ಆಚರಿಸಲು ವಿರೋಧ ವ್ಯಕ್ತಪಡಿಸುತ್ತಿಲ್ಲ, ಆದರೆ ಹಿಂದೂ ಹುಡುಗಿಯರ ಮೇಲೆ ದೌರ್ಜನ್ಯ ನಡೆಯುವ ಕಾರಣಕ್ಕೆ ಹೋರಾಟ ನಡೆಸುತ್ತಿದ್ದೇವೆ’ ಎಂದು ಸಂಘಟನೆಗಳ ಮುಖಂಡರು ಹೇಳಿಕೆ ನೀಡಿದ್ದಾರೆ.

ಹಿಂದೂ ಸಂಘಟನೆಗಳ ಎಚ್ಚರಿಕೆ ನ್ಯೂ ಇಯರ್‌ ಪಾರ್ಟಿಗಳ ಮೂಲಕ ಭರ್ಜರಿ  ಕಲೆಕ್ಷನ್‌ ಎದುರು ನೋಡುತ್ತಿದ್ದ ಹೊಟೇಲ್‌, ಪಬ್‌ಗಳ ಮಾಲೀಕರಿಗೆ ತಲೆನೋವಾಗಿ  ಪರಿಣಮಿಸಿದೆ. 

ಕೊಡಗು ಜಿಲ್ಲೆಯಲ್ಲೂ ಸ್ವೆಚ್ಛಾಚಾರದ ಪಾರ್ಟಿಗಳಿಗೆ ಅವಕಾಶ ನೀಡುವುದಿಲ್ಲ ಎಂದು ಸಂಘಟನೆಗಳು ಎಚ್ಚರಿಕೆ ನೀಡಿವೆ.