ರಾಹುಲ್‌ಗೆ ನಾವೇ ವೀಳ್ಯ ಕೊಡ್ತೇವೆ: ಆರ್‌.ಅಶೋಕ

Team Udayavani, Dec 31, 2017, 3:03 PM IST

ಮೈಸೂರು: ಎಐಸಿಸಿ ಅಧ್ಯಕ್ಷ ರಾಹುಲ್‌ಗಾಂಧಿ ಅವರು ಚುನಾವಣಾ ಪ್ರಚಾರಕ್ಕೆ ಹೋದಲ್ಲೆಲ್ಲ ಕಾಂಗ್ರೆಸ್‌ ಪಕ್ಷವನ್ನು ಗುಡಿಸಿ, ಸಾರಿಸಿ, ರಂಗೋಲಿ ಹಾಕಿ ಬಂದಿದ್ದಾರೆ. ಹೀಗಾಗಿ, ಕರ್ನಾಟಕಕ್ಕೂ ಅವರು ಬರಲಿ. ನಾವೇ ವೀಳ್ಯ ಕೊಟ್ಟು ಆಹ್ವಾನಿಸುತ್ತೇವೆ ಎಂದು ಮಾಜಿ ಉಪ ಮುಖ್ಯಮಂತ್ರಿ ಆರ್‌. ಅಶೋಕ ಲೇವಡಿ ಮಾಡಿದರು. 

ನಗರದಲ್ಲಿ ಶನಿವಾರ ಬಿಜೆಪಿ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿ,ಮುಂಬರುವ ವಿಧಾನಸಭಾ ಚುನಾವಣಾ ಪ್ರಚಾರಕ್ಕೆ ರಾಹುಲ್‌ ಗಾಂಧಿಯನ್ನು ಕರೆತರಲು ರಾಜ್ಯ ಕಾಂಗ್ರೆಸ್‌ ನಾಯಕರು ಕಾರ್ಯಕ್ರಮ ಪಟ್ಟಿ
ಸಿದ್ಧಪಡಿಸುತ್ತಿದ್ದಾರೆ. 

ರಾಹುಲ್‌ ಬರಲಿ, ನಾವೇ ವೀಳ್ಯ ಕೊಟ್ಟು ಆಹ್ವಾನಿಸುತ್ತೇವೆ ಎಂದರು. ಇದೇ ವೇಳೆ, ಮುಖ್ಯಮಂತ್ರಿ ವಿರುದ್ಧ ಹರಿಹಾಯ್ದ ಅವರು, ಸಿದ್ದರಾಮಯ್ಯ ಅವರನ್ನು ಬೆಂಕಿರಾಮಯ್ಯ ಎನ್ನುವುದೇ ಸೂಕ್ತ. ರಾಜ್ಯದ ಪ್ರಬಲ ಸಮುದಾಯವಾದ ಲಿಂಗಾಯತರನ್ನು ಒಡೆದರು.

ಮುಂದೆ ಒಕ್ಕಲಿಗ ಮತ್ತಿತರ ಜಾತಿಗೂ ಕೈ ಹಾಕುತ್ತಾರೆ. ಅಧಿಕಾರವಿದ್ದಷ್ಟು ದಿನ ಒಳ್ಳೆಯ ಕೆಲಸ ಮಾಡಲಿಲ್ಲ. ಸಿದ್ದರಾಮಯ್ಯ ಅವರನ್ನು ಯಾರಾದರೂ ಮನೆಗೆ ಕರೆದರೆ ಅವರ ಮನೆಗೇ ಬೆಂಕಿ ಇಡುತ್ತಾರೆ ಎಂದರು.