ಹೆದ್ದಾರಿ ಟೋಲ್‌ ವಿನಾಯಿತಿ ಅಸಾಧ್ಯ: ನಿತಿನ್‌ ಗಡ್ಕರಿ

Team Udayavani, Jan 2, 2018, 11:53 AM IST

ಪುಣೆ : ”ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಟೋಲ್‌ ಸಂಗ್ರಹದಿಂದ ಯಾರಿಗೂ ವಿನಾಯಿತಿ ನೀಡಲು ಸಾಧ್ಯವಿಲ್ಲ; ಒಳ್ಳೆಯ ರಸ್ತೆ, ಒಳ್ಳೆಯ ಸೇವೆ ಬೇಕೆನ್ನುವವರು ಅದಕ್ಕೆ ಹಣ ಪಾವತಿಸಲೇ ಬೇಕು” ಎಂದು ಕೇಂದ್ರ ರಸ್ತೆ ಸಚಿವ ನಿತಿನ್‌ ಗಡ್ಕರಿ ಹೇಳಿದ್ದಾರೆ.

ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಟೋಲ್‌ ಸಂಗ್ರಹ ನಿಲ್ಲಬೇಕು ಎಂಬ ಜನಾಭಿಪ್ರಾಯವನ್ನು ನಾನು ಒಪ್ಪುತ್ತೇನೆ; ಆದರೆ ಈ ಸಂದರ್ಭದಲ್ಲಿ ಈ ವಿಷಯದಲ್ಲಿ ನಾನು ಯಾವುದೇ ತೆರಿಗೆ ರಿಯಾಯಿತಿಯ ಭರವಸೆ ನೀಡಲಾರೆ ಎಂದು ಗಡ್ಕರಿ ಖಂಡತುಂಡವಾಗಿ ಹೇಳಿದರು. 

ಟೋಲ್‌ ಸಂಗ್ರಹಿಸುವ ಪದ್ಧತಿ ವಿಶ್ವಾದ್ಯಂತ ಇದೆ; ಒಳ್ಳೆಯ ರಸ್ತೆಗಳಿಂದ ಮೋಟಾರು ವಾಹನಗಳಿಗೆ ಅನುಕೂಲವಾಗುತ್ತದೆ; ಇಂಧನ ಉಳಿಯುತ್ತದೆ. ಅಂತಿರುವಾಗ ಒಳ್ಳೆಯ ರಸ್ತೆ, ಒಳ್ಳೆಯ ಸೇವೆ ಬೇಕೆಂದು ಬಯಸುವವರು ಅದಕ್ಕೆ ಹಣ ಪಾವತಿಸಲೇಬೇಕಾಗುತ್ತದೆ ಎಂದು ಗಡ್ಕರಿ ಅವರು ಮರಾಠಿ ಕವಿ ರಾಮದಾಸ್‌ ಫ‌ೂತನೆ ಅವರಿಗೆ ನೀಡಿದ ಸಂದರ್ಶನದಲ್ಲಿ ಹೇಳಿದರು.