ಮೆಟ್ರೋದಲ್ಲಿ ಇಂದಿನಿಂದ 13 ಹೆಚ್ಚುವರಿ ಟ್ರಿಪ್‌ ಅಳವಡಿಕೆ

Team Udayavani, Jan 2, 2018, 12:19 PM IST

ಬೆಂಗಳೂರು: “ನಮ್ಮ ಮೆಟ್ರೋ ‘ ಪ್ರಯಾಣಿಕರಿಗೆ ಹೊಸ ವರ್ಷದಲ್ಲಿ ಸಿಹಿ ಸುದ್ದಿ ನಿಡಿದ್ದು,ಜ.2 ರಿಂದ ನಗರದಲ್ಲಿ 13 ಹೆಚ್ಚುವರಿ  ಟ್ರಿಪ್‌ಗ್ಳನ್ನು ಆರಂಭಿಸಲಿದೆ. ನೇರಳೆ ಮಾರ್ಗದಲ್ಲಿ ಬೈಯಪ್ಪನಹಳ್ಳಿ ಹಾಗೂ ಮೈಸೂರು ರಸ್ತೆ ನಡುವೆ ಹತ್ತು ಹೆಚ್ಚುವರಿ ಟ್ರಿಪ್‌ ಹಾಗೂ ಹಸಿರು ಮಾರ್ಗದಲ್ಲಿ ನಾಗಸಂದ್ರ ಹಾಗೂ ಯಲೆಚ್ಚೇನಹಳ್ಳಿ ನಡುವೆ ಮೂರು ಹೆಚ್ಚುವರಿ ಟ್ರಿಪ್‌ಗ್ಳಲ್ಲಿ ಮೆಟ್ರೋ ರೈಲು ಸಂಚರಿಸಲಿವೆ.

ಈ ಹೆಚ್ಚುವರಿ ಟ್ರಿಪ್‌ಗ್ಳು ಪೀಕ್‌ ಅವಧಿಯಲ್ಲಿ 3.5 ನಿಮಿಷಕ್ಕೊಮ್ಮೆ ಸಂಚರಿಸಲಿದೆ. ನಾನ್‌ ಪಿಕ್‌ ಅವಧಿಯಲ್ಲಿಯೂ ಮೆಟ್ರೋ ಪ್ರಯಾಣ ಟ್ರಿಪ್‌ಗ್ಳನ್ನು ಹೆಚ್ಚಿಸಲಾಗಿದ್ದು, ಪ್ರಯಾಣಿಕರು ಇದರ ಸದುಪಯೋಗ ಪಡೆಯಬಹುದಾಗಿದೆ. ಡಿ.31ರಂದು ರಾತ್ರಿ ಹೊಸ ವರ್ಷಾಚರಣೆ ವೇಳೆ ಒಟ್ಟು 3.25,869 ಪ್ರಯಾಣಿಕರು ಮೆಟ್ರೋದಲ್ಲಿ ಸಂಚರಿಸಿದ್ದಾರೆ.

ಹೊಸವರ್ಷಾಚರಣೆ ಪ್ರಯುಕ್ತ ರಾತ್ರಿ 2 ಗಂಟೆವರೆಗೆ ವಿಸ್ತರಿಸಿದ ಸಮಯದಲ್ಲಿ ಒಟ್ಟು ನೇರಳೆ ಮಾರ್ಗದಲ್ಲಿ 28.876 ಹಾಗೂ ಹಸಿರು ಮಾರ್ಗದಲ್ಲಿ 10,230 ಮಂದಿ ಪ್ರಯಾಣಿಸಿದ್ದಾರೆ.ಇದರಿಂದ  ಭಾನುವಾರ ಒಂದೇ ದಿನ 98,10,591 ರೂ. ಆದಾಯ ಬಂದಿದ್ದು, ಹೆಚ್ಚುವರಿ ಅವಧಿಯಲ್ಲಿ ಪ್ರಯಾಣಿಕರ ಸಂಚಾರದಿಂದ 5,13 ಲಕ್ಷ ರೂ. ಸಂಗ್ರಹವಾಗಿದೆ ಎಂದು ಬಿಎಂಆರ್‌ಸಿಎಲ್‌ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.