ಸೈಕೋ ಕಿಲ್ಲರ್‌ ಆದ ನಿವೃತ್ತ ಸೈನಿಕ: 2 ಗಂಟೆಯಲ್ಲಿ 6 ಹತ್ಯೆ!

Team Udayavani, Jan 2, 2018, 1:59 PM IST

ಪಾಲ್ವಾಲ್‌: ಹರಿಯಾಣದಲ್ಲಿ ನಡೆದ ಆತಂಕಕಾರಿ  ಘಟನೆಯೊಂದರಲ್ಲಿ ನಿವೃತ್ತ ಸೈನಿಕನೊಬ್ಬ ವಿನಾಕಾರಣ ಸಿಕ್ಕಸಿಕ್ಕವರನ್ನು ಕಬ್ಬಿಣದ ರಾಡ್‌ನಿಂದ ಥಳಿಸಿದ್ದು, ದಾಳಿಗೆ ಸಿಲುಕಿ 6 ಮಂದಿ  ಅಮಾಯಕರು ದಾರುಣವಾಗಿ ಸಾವನ್ನಪ್ಪಿದ್ದಾರೆ.

ಚಿಕಿತ್ಸೆಗಾಗಿ ಆಸ್ಪತ್ರೆ ದಾಖಲಾಗಿದ್ದ ನಿವೃತ್ತ ಸೈನಿಕ,ಸದ್ಯ ನೀರಾವರಿ ಇಲಾಖೆಯಲ್ಲಿ ಉದ್ಯೋಗಿಯಾಗಿದ್ದ ನೇತೃಪಾಲ್‌ ಎಂಬಾತ ನೇ ಮಾನಸಿಕ ಸ್ಥಿಮಿತ ಕಳೆದುಕೊಂಡು ಕೃತ್ಯ ಎಸಗಿದ್ದಾನೆ ಎನ್ನಲಾಗಿದೆ. 

ರಾಡ್‌ ಹಿಡಿದು ಬಂದವನೆ ಮೊದಲು  ಆಸ್ಪತ್ರೆಯಲ್ಲಿದ್ದ ಮಹಿಳೆಯೊಬ್ಬರನ್ನು ಬಡಿದು ಕೊಂದಿದ್ದಾನೆ. ಆ ಬಳಿಕ ಆಸ್ಪತ್ರೆಯ ಬಾಗಿಲಿದಲ್ಲಿದ್ದ ಮೂವರು ಭದ್ರತಾ ಸಿಬಂದಿಗಳನ್ನು ಕೊಂದಿತ್ತು ಹೀಗೆ ಒಟ್ಟು 6 ಮಂದಿಯನ್ನು ಕೊಲ್ಲುವಷ್ಟರಲ್ಲಿ ಪೊಲೀಸರು ಆತನನ್ನು ವಶಕ್ಕೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 

ಪೊಲೀಸರು ಆತನನ್ನು ತೀವ್ರವಾಗಿ ವಿಚಾರಣೆ ನಡೆಸುತ್ತಿದ್ದು ಯಾವ ಕಾರಣಕ್ಕೆ ಕೃತ್ಯ ಎಸಗಿದ್ದಾನೆ ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ. 

ಭೀಕರ ಘಟನೆಯ ಎಲ್ಲಾ ದೃಶ್ಯಾವಳಿಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.