ಮಂಗಳೂರು; ನಾಳೆಯಿಂದ ಒಂದು ವಾರ ತುಳು ಫಿಲ್ಮ್ ಫೆಸ್ಟಿವಲ್‌

Team Udayavani, Jan 3, 2018, 11:39 AM IST

ಮಂಗಳೂರು: ತುಳು ಚಲನಚಿತ್ರ ನಿರ್ಮಾಪಕರ ಸಂಘದ ವತಿಯಿಂದ ತುಳು ಫಿಲ್ಮ್ ಫೆಸ್ಟಿವಲ್‌ ಜನವರಿ 5 ರಿಂದ 11 ರ ವರೆಗೆ ಹಮ್ಮಿಕೊಳ್ಳಲಾಗಿದೆ.

ಸಮಾರಂಭದ ಉದ್ಘಾಟನೆ ಗುರುವಾರ ಸಂಜೆ 4 ಗಂಟೆಗೆ  ಪುರಭವನದಲ್ಲಿ ನಡೆಯಲಿದೆ. 
ಉದ್ಘಾಟನಾ ಸಮಾರಂಭದಲ್ಲಿ ತುಳು ಚಿತ್ರರಂಗದ ತಾರೆಯರ ನೃತ್ಯ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. 

1 ವಾರದ ಕಾಲ 49 ತುಳು ಸಿನಿಮಾಗಳು ಪ್ರದರ್ಶನಗೊಳ್ಳಲಿದ್ದು, ಇದರಲ್ಲಿ 24 ಸಿನಿಮಾಗಳು ಸಿನಿಪೊಲೀಸ್‌ನಲ್ಲಿ ಪ್ರದರ್ಶನಗೊಂಡರೆ,ಇನ್ನುಳಿದ 25 ಹಳೆಯ ಸಿನಿಮಾಗಳು ಡಾನ್‌ ಬಾಸ್ಕೋ ಹಾಲ್‌ನಲ್ಲಿ ಪ್ರದರ್ಶನಗೊಳ್ಳಲಿದೆ. 

ಸಿನಿಪೊಲೀಸ್‌ನಲ್ಲಿ ಪ್ರದರ್ಶನವಾಗುವ ಸಿನಿಮಾಕ್ಕೆ ಟಿಕೇಟ್‌ ದರ 100 ರೂಪಾಯಿ ಆಗಿದ್ದರೆ , ಡಾನ್‌ ಬಾಸ್ಕೋ ಹಾಲ್‌ನಲ್ಲಿ 50 ರೂ ಮಾತ್ರ ಟಿಕೇಟ್‌ ದರವಾಗಿರುತ್ತದೆ. ಎಲ್ಲಾ ಸಿನಿಮಾಗಳ ವೀಕ್ಷಣೆಗೆ ಗೋಲ್ಡ್‌ ಪಾಸ್‌ ದರ 1500 ಆಗಿರುತ್ತದೆ. 

ಚಿತ್ರೋತ್ಸವಕ್ಕೆ ಅಭಿಮಾನಿಗಳ ಸಹಕಾರವನ್ನು ನಿರ್ಮಾಪಕರ ಸಂಘ ಅಪೇಕ್ಷಿಸಿದೆ. 

ಪ್ರದರ್ಶನಗೊಳ್ಳುವ ವೇಳಾ ಪಟ್ಟಿ ಇಂತಿದೆ