ವಿಶಿಷ್ಟ ಚಂದ್ರಯಾನಕ್ಕೆ ಚೀನ ಸಜ್ಜು

Team Udayavani, Jan 4, 2018, 6:00 AM IST

ಬೀಜಿಂಗ್‌: ಆರ್ಥಿಕತೆ, ತಂತ್ರಜ್ಞಾನ ಕ್ಷೇತ್ರಗಳಲ್ಲಿ ವಿಶ್ವದ ದೊಡ್ಡ ರಾಷ್ಟ್ರಗಳಿಗೇ ಸೆಡ್ಡು ಹೊಡೆದಿರುವ ಚೀನ, ಇದೀಗ ಬಾಹ್ಯಾಕಾಶ ತಂತ್ರಜ್ಞಾನದಲ್ಲೂ ಆ ಕ್ಷೇತ್ರದ ದಿಗ್ಗಜರಾದ ಅಮೆರಿಕ, ರಷ್ಯಾಗಳನ್ನು ಹಿಂದಿಕ್ಕಲು ಸಜ್ಜಾಗಿದೆ. 

ಕೆಲ ವರ್ಷಗಳ ಹಿಂದೆಯೇ, ಚೀನ ಘೋಷಿಸಿದ್ದ ಚಂದ್ರ ಗ್ರಹ ಅಧ್ಯಯನದ ಮಹತ್ವದ ಯೋಜನೆ ಈಗ ಅಂತಿಮ ರೂಪ ಪಡೆಯುತ್ತಿದೆ. “ಚಾಂಗ್‌ 4′ ಎಂಬ ಹೆಸರಿನ ಈ ಯೋಜನೆಯು 2018ರ ಜೂನ್‌ನಲ್ಲಿ ಸಾಕಾರಗೊಳ್ಳಲಿದೆ. ಈ ಯೋಜನೆಯಲ್ಲಿ ಚಂದ್ರನ ಮೇಲೆ “ಚಾಂಗ್‌ 4′ ಎಂಬ ಉಪಗ್ರಹವನ್ನು ಚೀನ ಇಳಿಸಲಿದೆ. ಈ ಯೋಜನೆಯ ವಿಶೇಷವೆಂದರೆ, ಭೂಮಿಗೆ ಕಾಣದಿರುವ ಚಂದ್ರನ ಮತ್ತೂಂದು ಮಗ್ಗು ಲಿನ ಮೇಲೆ ತನ್ನ ಉಪಗ್ರಹವನ್ನು ಇಳಿಸಿ ಆ ಪಾರ್ಶ್ವದ ಅಧ್ಯಯನ ಮಾಡುವುದು.

ಈ ಹಿಂದೆ, ಅಮೆರಿಕ, ರಷ್ಯಾ ದೇಶಗಳು ಚಂದ್ರನಲ್ಲಿಗೆ ತಮ್ಮ ನೌಕೆಗಳನ್ನು ಕಳುಹಿಸಿ ಅಲ್ಲಿನ ಮಣ್ಣು, ಕಲ್ಲು ಇತ್ಯಾದಿಗಳನ್ನು ಪರೀಕ್ಷೆಗಾಗಿ ಭೂಮಿಗೆ ತಂದಿದ್ದವು. ಆದರೆ, ನಾವು ಕಾಣದ ಚಂದ್ರನ ಮಗ್ಗುಲಿಗೆ ಉಪಗ್ರಹವನ್ನು ಕಳುಹಿಸಿರಲಿಲ್ಲ. ಇದೀಗ, ಆ ಕೆಲಸಕ್ಕೆ ಚೀನ ಕೈ ಹಾಕಿದೆ. ಈ ಯೋಜನೆ ಯಶಸ್ವಿಯಾದರೆ, ಚಂದ್ರನ ಅಧ್ಯಯನದಲ್ಲಿ ಅಮೆರಿಕ, ರಷ್ಯಾ ಮಾಡಿರುವ ಸಾಧನೆಗಳನ್ನು ಚೀನ ಹಿಂದಿಕ್ಕಿದಂತಾಗುತ್ತದೆ. 

ಅಂದಹಾಗೆ, 1976ರಲ್ಲಿ ಚಾಂಜ್‌-3 ಯೋಜನೆಯಡಿ, ಜೇಡ್‌ ರಾಬಿಟ್‌ ರೋವರ್‌ ಎಂಬ ನೌಕೆಯನ್ನು ಚೀನ ಚಂದ್ರನ ನಾವು ಕಾಣುವ ಪಾರ್ಶ್ವದ ಮೇಲ್ಮೆ„ ಮೇಲೆ ಇಳಿಸಿತ್ತು.