ಮೆಟ್ಟುಪಾಳ್ಯಂ-ಕೊಯಮುತ್ತೂರು: ದ.ರೈಲ್ವೇ ಉಚಿತ ಬಸ್‌ ಸೇವೆ

Team Udayavani, Jan 6, 2018, 12:27 PM IST

ಕೊಯಮುತ್ತೂರು : ನೀಲಗಿರೀಸ್‌ ಎಕ್ಸ್‌ಪ್ರೆಸ್‌ ಟ್ರೈನಿನಲ್ಲಿ ರಿಸರ್ವ್‌ ಟಿಕೆಟ್‌ ಹೊಂದಿರುವ ಪ್ರಯಾಣಿಕರಿಗೆ ಫೆ.1ರಿಂದ ಮೆಟ್ಟುಪಾಳ್ಯಂ ರೈಲ್ವೇ ಸ್ಟೇಶನ್‌ ಮತ್ತು ಕೊಯಮುತ್ತೂರು ನಡುವೆ ಉಚಿತ ಬಸ್‌ ಸೇವೆಯನ್ನು ಒದಗಿಸಲಾಗುವುದು ಎಂದು ದಕ್ಷಿಣ ರೈಲ್ವೇ ಹೇಳಿದೆ. 

ಮೆಟ್ಟುಪಾಳ್ಯಂ ರೈಲು ನಿಲ್ದಾಣದಲ್ಲಿ ತಾಂತ್ರಿಕ ಕೆಲಸಗಳು ನಡೆಯಲಿಕ್ಕಿರುವುದರಿಂದ  ರಿಸರ್ವ್‌ ಟಿಕೆಟ್‌ ಹೊಂದಿರುವ ಪ್ರಯಾಣಿಕರಿಗೆ ತೊಂದರೆ ಆಗದಿರಲೆಂದು ಈ ಉಚಿತ ಬಸ್‌ ಸೌಕರ್ಯವನ್ನು ಏರ್ಪಡಿಸಲಾಗಿದೆ ಎಂದು ದಕ್ಷಿಣ ರೈಲ್ವೇ ಹೇಳಿದೆ. 

ಮೆಟ್ಟುಪಾಳ್ಯಂ ನಲ್ಲಿ ಪ್ಲಾಟ್‌ಫಾರಂ  ವಿಸ್ತರಿಸುವ ಕಾರ್ಯ ಫೆ.2ರಿಂದ ಮಾರ್ಚ್‌ 3ರ ವರೆಗೆ ನಡೆಯಲಿದೆ. ಹಾಗಾಗಿ ನೀಲಗಿರೀಸ್‌ ಎಕ್ಸ್‌ಪ್ರೆಸ್‌ ರೈಲು ಕೊಯಮುತ್ತೂರಿನಲ್ಲಿ ತನ್ನ ಯಾನವನ್ನು ನಿಲ್ಲಿಸುತ್ತದೆ ಎಂದು ದ.ರೈಲ್ವೇ ಅಧಿಕೃತ ಪ್ರಕಟನೆ ತಿಳಿಸಿದೆ.