ಭಾರತೀಯ ಮೂಲದ ಅಜೀಜ್‌ ಅನ್ಸಾರಿಗೆ ಪ್ರಶಸ್ತಿ

Team Udayavani, Jan 9, 2018, 6:30 AM IST

ಲಾಸ್‌ ಏಂಜಲೀಸ್‌: ಭಾರತೀಯ ಮೂಲದ ಹಾಲಿವುಡ್‌ ಹಾಸ್ಯ ನಟ ಅಜೀಜ್‌ ಅನ್ಸಾರಿ ಅವರು ಟಿವಿ ಹಾಸ್ಯ ಸರಣಿಯಲ್ಲಿನ ನಟನೆಗಾಗಿ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಟಿವಿ ಹಾಸ್ಯ ಸರಣಿಯಲ್ಲಿ ಉತ್ತಮ ನಟ ಪ್ರಶಸ್ತಿ ಪಡೆದ ಏಕೈಕ ಏಷ್ಯಾ ಮೂಲದ ಕಲಾವಿದ ಎಂಬ ಹಿರಿಮೆಯೂ ಸಂದಿದೆ.

ದಿ ಮಾಸ್ಟರ್‌ ಆಫ್ ನನ್‌ ಸರಣಿಯಲ್ಲಿನ ನಟನೆಗಾಗಿ ಇವರಿಗೆ ಈ ಪುರಸ್ಕಾರ ಸಂದಿದೆ. ಅಲ್ಲದೆ ಜೀವಮಾನ ಸಾಧನೆಗಾಗಿ ನಿರೂಪಕಿ ಓಪ್ರಾ ವಿನ್‌ಫ್ರೆà ಮತ್ತು ಟಿವಿ ಧಾರಾವಾಹಿಯಲ್ಲಿನ ನಟನೆಗಾಗಿ ಸ್ಟೆರ್ಲಿಂಗ್‌ ಕೆ ಬ್ರೌನ್‌  ಗೋಲ್ಡನ್‌ ಗ್ಲೋಬ್‌ ಪುರಸ್ಕಾರ ಪಡೆದಿದ್ದಾರೆ. ಥ್ರಿà ಬಿಲ್‌ಬೋರ್ಡ್ಸ್‌ ಔಟ್‌ಸೈಡ್‌ ಎಬ್ಬಿಂಗ್‌, ಮಿಸೌÕರಿ ಸಿನಿಮಾಗೆ ನಾಲ್ಕು ಪುರಸ್ಕಾರಗಳು ಸಂದಿವೆ. 

ಲೈಂಗಿಕ ಕಿರುಕುಳದ ವಿರುದ್ಧ ಕಪ್ಪು ದಿರಿಸು: ಪ್ರದಾನ ಸಮಾರಂಭ ಈ ಬಾರಿ ಸಂಪೂರ್ಣ ಕಪ್ಪು ವರ್ಣದಲ್ಲಿತ್ತು. ಹಾಲಿವುಡ್‌ನ‌ಲ್ಲಿ ಇತ್ತೀಚೆಗೆ ವರದಿಯಾದ ಲೈಂಗಿಕ ಕಿರುಕುಳದ ಪ್ರಕರಣಗಳ ಹಿನ್ನೆಲೆಯಲ್ಲಿ, ಬಹುತೇಕ ಎಲ್ಲ ನಟ, ನಟಿಯರೂ ಕಪ್ಪು ದಿರಿಸು ಧರಿಸಿ ಆಗಮಿಸಿದ್ದರು. ಲೈಂಗಿಕ ಕಿರುಕುಳದ ಬಗ್ಗೆ ಧ್ವನಿಯೆತ್ತುವ “ಮಿ ಟೂ’ ಎಂಬ ಅಭಿಯಾನ ಕೂಡ ಇತ್ತೀಚೆಗೆ ಭಾರೀ ಪ್ರಚಾರ ಪಡೆದಿತ್ತು.