ಲಾಲು ಪರ ಲಾಬ್ಬಿ: ತನಿಖೆಗೆ ಆದೇಶಿಸಿದ ಸಿಎಂ ಆದಿತ್ಯನಾಥ್‌

Team Udayavani, Jan 11, 2018, 3:59 PM IST

ಲಕ್ನೋ : ಆರ್‌ಜೆಡಿ ಮುಖ್ಯಸ್ಥ ಹಾಗೂ ಬಿಹಾರದ ಮಾಜಿ ಮುಖ್ಯಮಂತ್ರಿ ಲಾಲು ಪ್ರಸಾದ್‌ ಯಾದವ್‌ಗೆ ಮೇವು ಹಗರಣದಲ್ಲಿ ಶಿಕ್ಷೆಯ ಪ್ರಮಾಣ ಪ್ರಕಟವಾಗುವುದಕ್ಕೆ ಎರಡು ದಿನಗಳಿರುವಾಗ ಲಾಲುಗೆ ಕಡಿಮೆ ಶಿಕ್ಷೆ ವಿಧಿಸುವಂತೆ ಕೋರಿ ಲಾಲು ಆಪ್ತರು ಕೆಲವರು ಸಿಬಿಐ ವಿಶೇಷ ನ್ಯಾಯಾಧೀಶರಿಗೆ ಫೋನ್‌ ಮಾಡಿರುವ ಬಗ್ಗೆ  ಮಾಧ್ಯಮಗಳಲ್ಲಿ ಪ್ರಕಟವಾದ ವರದಿಯನ್ನು ಗಮನಿಸಿ ಮುಖ್ಯ ಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ತನಿಖೆಗೆ ಆದೇಶಿಸಿದ್ದಾರೆ.

ಈ ಫೋನ್‌ ಕರೆಗಳಿಂದಾಗಿ ಸಿಬಿಐ ಕೋರ್ಟಿನ ನ್ಯಾಯಾಧೀಶರು ನಿರಂತರ ಎರಡು ದಿನ ಶಿಕ್ಷೆ ಪ್ರಮಾಣ ಪ್ರಕಟನೆಯನ್ನು ಮುಂದೂಡಿದ್ದರು ಮಾತ್ರವಲ್ಲದೇ ಅವರೇ ಖುದ್ದಾಗಿ ತನಗೆ ಕೆಲವು ಅನಾಮಧೇಯ ಕರೆಗಳು ಬಂದಿವೆ ಎಂದು ಹೇಳಿದ್ದರು. 

ಮುಖ್ಯಮಂತ್ರಿಗಳ ಆದೇಶದ ಪ್ರಕಾರ ಈಗಿನ್ನು ಝಾನ್ಸಿ ವಿಭಾಗೀಯ ಕಮಿಶನರ್‌ ಈ ಬಗ್ಗೆ ತನಿಖೆ ನಡೆಸಿ ವರದಿ ಸಲ್ಲಿಸಲಿದ್ದಾರೆ.